?എന്റെ രാക്ഷസി?(?Psycho Girl?) 2 698

തലവേദനയെടുത്ത് ബെഡിൽ കിടക്കുകയായിരുന്ന കുഞ്ഞാദിയുടെ അടുത്ത് വന്ന് അവന്റെ തലയിൽ തഴുകിക്കൊണ്ട് കുഞ്ഞു പൊന്നു വിളിച്ചു.

പൊന്നുവിന്റെ ശബ്ദം കേട്ടതും പ്രയാസപ്പെട്ടാണെങ്കിലും അവൻ കണ്ണുകൾ വലിച്ചു തുറന്നു.

“തലവേദന കുറവുണ്ടോടാ

“മ്മ്

അവൻ ഒന്ന് മൂളി,

അവന്റെ ആ മൂളലിൽ തന്നെ അവൻ എന്ത് മാത്രം വേദന സഹിക്കുന്നുണ്ടെന്ന് അവൾക്ക് മനസ്സിലായി,

അവൾ അവന്റെ അടുത്തായി ഇരുന്നു,

“ന്റെ മടിയിൽ തലവെച്ചു കിടക്കാദി.

“വേണ്ട പൊന്നു നിനക്ക് കാല് നോവും.

അടഞ്ഞ ശബ്ദത്തിൽ അവൻ പറഞ്ഞു

“പറഞ്ഞത് കേക്ക് ചെക്കാ, ന്നെ വെറുതെ ദേഷ്യം പിടിപ്പിക്കല്ലേ,

അവനെ ഒന്ന് കോർപ്പിച്ചുനോക്കി പൊന്നു പറഞ്ഞു.

അവളുടെ വാശി അറിയാവുന്നത് കൊണ്ട് തന്നെ അവൻ അവളുടെ മടിയിലായി തലവെച്ചു കിടന്നു.

അപ്പോഴെല്ലാം തലയിലെ വേദനകൊണ്ട് അവന്റെ കണ്ണുകൾ ചുരുങ്ങുന്നുണ്ടായിരുന്നു,

എന്നിട്ട് പോലും അവൻ കണ്ണുകൾ തുറന്ന് അവളെ നോക്കി കിടന്നു.

“ന്നെ നോക്കി ഇരിക്കാതെ കണ്ണുകൾ അടച്ചു കിടക്ക് ചെക്കാ

“നീ അടുത്തുള്ളപ്പോ എനിക്ക് നിന്നെ നോക്കി ഇരിക്കാൻ തോന്നും പൊന്നു

“അതൊക്കെ നമുക്ക് നോക്കിയിരിക്കാം ഇപ്പൊ എന്റെ ചെക്കൻ കണ്ണടക്ക്, തല വേദന മാറ്റാൻ ഞാൻ ഒരു സൂത്രം കാണിച്ചു തരാം.

“എന്ത് സൂത്രം?