?എന്റെ രാക്ഷസി?(?Psycho Girl?) 2 698

എല്ലാവരെയും കണ്ടിട്ടും ഏട്ടനെ മാത്രം കാണാതായപ്പോൾ അവൾ നേരിയ പരിപവത്തോടെ ചോദിച്ചു

“ഇത്രയും നേരം നിന്നെയും കാത്ത് ഇവിടെ ഉണ്ടായിരുന്നു എന്തോ ഫോൺ വന്നപ്പോ അകത്തൊട്ട് പോയതാ

സാവിത്രി ആയിരുന്നു മറുപടികൊടുത്തത്.

“ആ ഇതാ വന്നല്ലോ

അപ്പോഴേക്കും അങ്ങോട്ട് വന്ന മഹാദേവിനെ ഗംഗ ഓടി പോയി കെട്ടിപിടിച്ചു.

ഒരുപാട് നാളുകൾക്ക് ശേഷം അവനെ കണ്ടത്കൊണ്ട് അവളുടെ കണ്ണുകൾ നിറഞ്ഞിരുന്നു..

“ഓ അവൾക്ക് ഇപ്പൊ നമ്മളെയൊന്നും വേണ്ട അവളുടെ ഏട്ടൻ മതി.

അവളുടെ അച്ഛന്റെ അനിയന്റെ മക്കളിൽ ഒരുവൻ അവളെ നോക്കി തമാശയോടെ പറഞ്ഞു.

അതിനവൾ കോക്രി കാട്ടി ചിരിച്ചു.

എന്നാൽ ഈ സമയം പാറുവിന്റെ ശ്രദ്ധ മുഴുവൻ മഹാദേവിൽ ആയിരുന്നു, ഇത്രയും നേരം ക്രമതീതമായി മിടിച്ച ഹൃദയം അവനെ കണ്ടതും ശാന്തമായിരുന്നു..

“ഏട്ടാ ഇതാണ് എന്റെ കൂട്ടുകാർ