?എന്റെ രാക്ഷസി?(?Psycho Girl?) 2 698

“നീ മാഡത്തെ ഒന്നുകൂടി ട്രൈ ചെയ്ത് നോക്ക്.

തോമസ് ശ്രദ്ധയോട് പറഞ്ഞു.

അവൾ വീണ്ടും നയനയുടെ നമ്പറിലേക്ക് വിളിച്ചു എന്നാൽ അവൾ എടുത്തില്ല.

ഈ സമയം നയന മറ്റൊന്നിലും ശ്രദ്ധിക്കാതെ എത്രയും പെട്ടന്ന് തന്റെ ആദിയുടെ അടുത്ത് എത്തുവാനായി കാർ പായിക്കുവായിരുന്നു, എന്നാൽ റോഡിലെ വാഹനങ്ങളുടെ തിരക്ക് കാരണം അവൾക്ക് വിചാരിച്ച വേഗതയിൽ പോവാൻ സാധിച്ചില്ല. മീറ്റിംഗിന് കയറുമ്പോൾ ഫോൺ സൈലന്റ് ആക്കിയതിനാൽ അതിന്റെ കാര്യവും അവൾ മറന്നിരുന്നു.

മുസ്തഫയുടെ കൂട്ടത്തിലെ രണ്ടുപേരും ആദിയുടെ നേരെ വാൾ വീശിക്കൊണ്ട് ഒരുമിച്ച് വന്നു,

അവർ രണ്ട് പേരും മുന്നിൽ എത്തിയതും ആദി അവരുടെ കൈകളിൽ പിടുത്തമിട്ട ശേഷം ശിരിഞ്ഞു നിന്ന് ബലം പിടിച്ചു അവരുടെ കൈ കൊണ്ട് തന്നെ അവരുടെ വയറ്റിലേക്ക് വാൾ കയറ്റി.

അവർ രണ്ടുപേരും അവിടെ പിടഞ്ഞു വീണു.

തിരിഞ്ഞു നിന്ന ആദി മുസ്‌തഫയെ നോക്കി, അയാൾ അപ്പോഴേക്കും എഴുന്നേറ്റ് അവന്റെ മുന്നിലായി നിന്നിരുന്നു.

തന്റെ മുന്നിലുള്ളൻ നിസ്സാരക്കാരൻ അല്ലെന്ന് മുസ്‌തഫക്ക് ഇതിനോടം മനസ്സിലായിരുന്നു, എന്നാൽ തോൽവി സമ്മതിക്കാൻ അയാളുടെ അഹങ്കാരം അനുവദിച്ചില്ല.

“കൊള്ളാം, ഞാൻ വിചാരിച്ച പോലെ നിസ്സാരക്കാരൻ അല്ല നീ, എന്റെ ആളുകളെ എല്ലാം നീ വീഴ്ത്തി നീ കളി നേർക്കുനേർ വാടാ.

“ഇത്രയൊക്കെ ആയിട്ടും എന്നെ മനസ്സിലായില്ലേ നിനക്ക്, അഗ്നിയാണ് ഞാൻ ? നിന്നെ പോലെയുള്ളവരെ വിഴുങ്ങാൻ ശക്തിയുള്ള അഗ്നി ? നീ വാ ?

രണ്ടുപേരും പരസ്പരം പോർവിളി നടത്തി ഓടി അടുത്തു.

അടുത്തെത്തിയ ഉടനെ മുസ്‌തഫ കാൽ ഉയർത്തി ആദിയുടെ നെഞ്ചിൽ ചവുട്ടി, ആദിയും അപ്പോൾ തന്നെ തിരിച്ചു ചവിട്ടി.

രണ്ടുപേരും പുറകിലേക്ക് തെറിച്ചു വീണു.