?എന്റെ രാക്ഷസി?(?Psycho Girl?) 2 698

“ഡാ വെട്ടി നുറുക്കെടാ ഈ നായിന്റെ മോനെ

മുസ്‌തഫ കൂട്ടാളികളോട് അലറി.

കേൾക്കേണ്ട താമസം അവരെല്ലാം ആദിയുടെ അടുത്തേക്ക് അലറിക്കൊണ്ട് വന്നു.

ആദ്യം വന്നവന്റെ വലത് കാല് നോക്കി ആദി ശക്തമായി ചവിട്ടി, ആ ചവിട്ടിൽ തന്നെ അയാൾക്ക് കാല് പറഞ്ഞു പോയത് പോലെ തോന്നി അയാൾ അപ്പോൾ തന്നെ കാലൊടിഞ്ഞു വീഴാൻ പോയി, അയാളുടെ കയ്യിൽ നിന്ന് വാൾ പിടിച്ചു വാങ്ങി അവൻ അയാളുടെ നെഞ്ചിലേക്ക് തന്നെ കുത്തിയിറക്കി.

ആ വാൾ വലിച്ചൂരി പിന്നല്ലാവന്നവന്റെ നേരെ എറിഞ്ഞു ആദി അയാളുടെ കഴുത്തിലേക്ക് അത് തുളച്ചു കയറി.

മുസ്തഫയുടെ ഗ്യാങ്ങിൽ മുസ്തഫായടക്കം നാല് പേര് മാത്രം ആണ് ബാക്കി ഉള്ളത്.

ആദിയുടെ പോരാട്ടം കണ്ട് അവന് നേരെ വരാനിരിക്കുന്ന മൂന്ന് പേരും ഒന്ന് പകച്ചു.

എന്നിട്ടും അതിൽ ഒരുത്തൻ അവന്റെ നേരെ വന്നു.

ആ വരുന്നവന്റെ നേരെ ആദി ഓടി തിരിഞ്ഞു നിന്ന് കാല് പൊക്കി അവന്റെ കഴുത്ത് നോക്കി ചവിട്ടി,

“അയ്യോ

“എന്താടോ താൻ എന്നെ കൊല്ലുവോ ഒന്ന് നോക്കി ബ്രേക്ക് പിടിക്ക്.

“എടി പുല്ലേ ഞാൻ അറിഞ്ഞുകൊണ്ട് പിടിച്ചതല്ല ഏതോ ഒരുത്തൻ വണ്ടിക്ക് മുന്നിൽ ചാടിയതാ.

“മുന്നിലേക്ക് ചാടാനോ ആര്

അതും പറഞ്ഞു വീണ ബൈക്കിൽ നിന്ന് ഇറങ്ങി മുന്നിൽ നോക്കി

ആപ്പോൾ കണ്ടത് മുന്നിൽ ബോധം ഇല്ലാതെ കിടക്കുന്ന ഒരുത്തനെയാണ്

“ഇയാളിതിപ്പോ എവിടുന്നു വന്നു

വീണ ആലോചിക്കാതിരുന്നില്ല..

പാർക്കിങ്ങിൽ നിന്ന് വണ്ടിയെടുത്ത് വന്ന തോമസിന്റെയും വീണയുടെയും മുന്നിലേക്ക് ആണ് ആദി ചവിട്ടിയവൻ തെറിച്ചു വീണത്, പെട്ടന്ന് ആയത് കൊണ്ട് തോമസ് ബ്രേക്ക് പിടിച്ചപ്പോൾ വീണ ഒന്ന് വീഴാൻ പോയി.

അയാളിൽ നിന്ന് ശ്രദ്ധ തെറ്റിച്ചു മുന്നോട്ട് നോക്കിയ വീണയും തോമസും ഒരുനിമിഷം ഞെട്ടി.