💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

                           …………………………

അഞ്ചാറ് മാസത്തെ ഇടവേളയ്ക്ക് ശേഷം അടുത്ത ദിവസം മുതൽ അഹാന വീണ്ടും കോളേജിൽ പോയി തുടങ്ങി ….. ക്ലാസ്സ് മുഴുവനും അവളെ സന്തോഷത്തോടെ സ്വീകരിച്ചു .

ചില ദിവസങ്ങൾ കൂടി കടന്ന് പോയി . മുന്നിലെ സങ്കടങ്ങൾ എല്ലാം മാറി അവരുടെ ജീവിതത്തിൽ സന്തോഷം മാത്രം നിറഞ്ഞ് നിൽക്കുന്ന ദിവസങ്ങളായിരുന്നു പിന്നീട് …..

ഒരു ദിവസം ഉച്ചയ്ക്ക് …..

ക്യാമ്പസിനകത്തെ അവരുടെ സ്ഥിരം സ്ഥലത്ത് ആ മരത്തണലിൽ ഇരിക്കുകയായിരുന്നു അവർ . അജുവിന്റെ തോളിൽ ചാരി അവന്റെ കയ്യും മുറുക്കെ പിടിച്ച് അവൾ അങ്ങനെ ഇരിക്കുകയായിരുന്നു …. യദുവും ദേവുവും അൽപ്പം മാറി ഇരിക്കുകയാണ് , പതിവ് പോലെ ഓരോന്ന് സംസാരിച്ച് സ്ഥിരം തർക്കത്തിലാണവർ …..

” നിന്നോട് സംസാരിക്കുന്നതിനേക്കാൾ നല്ലത് പോത്തിനോട് സംസാരിക്കുന്നതാ …. ”

ദേവുവിനോടതും പറഞ്ഞ് യദു നേരെ അജുവിനടുത്തായി വന്നിരുന്നു പുറകെ ദേവുവും വന്നു .

” ഇന്നെന്താടാ പ്രശ്നം ? ”

അജു അവനോട് ചോദിച്ചു …..

” ഏയ് …. പ്രത്യേകിച്ച് വിഷയമൊന്നുമില്ല , സ്ഥിരം പരിപാടി തന്നെ …. അവൾ എന്തെങ്കിലും പറയും ഞാനതിന് തർക്കുത്തരം പറയും … ”

യദു ഒരു പുഞ്ചിരിയോടെ പറഞ്ഞു …. അപ്പോഴേയ്ക്കും അജുവിന്റെ ഫോൺ റിങ് ചെയ്തു …. അവൻ ഫോൺ കയ്യിലെടുത്തു ….

” പരിചയമില്ലാത്ത നമ്പരാണല്ലോ …. ? ”

അവൻ മനസ്സിൽ ചിന്തിച്ചു കൊണ്ട് കോൾ അറ്റന്റ് ചെയ്തു ….