💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

” അങ്ങനെയല്ല …. ഒരു വിശ്വാസക്കുറവുമില്ല …. പക്ഷെ തമാശയ്ക്കാണെങ്കിൽ കൂടി ഇങ്ങനെ ഓരോന്ന് പറയുമ്പോ മനസ്സിൽ ഒരു തരം ഭയമാ എന്നെ വിട്ട് പോകുമോ എന്ന് …. അതാ ഞാൻ ഓരോന്ന് ….. ”

അവന്റെ നെഞ്ചിൽ തല ചായ്ച്ചു കൊണ്ട് അവൾ പറഞ്ഞു , അപ്പോഴും അവളുടെ കണ്ണുകളിൽ നിന്ന് കണ്ണുനീർ തുള്ളികൾ പൊഴിയുന്നുണ്ടായിരുന്നു .

അവനവളുടെ മുഖം തന്റെ കയ്യിൽ കോരി എടുത്ത ശേഷം അവളുടെ മുഖത്ത് കൂടി ഒഴുകിയിറങ്ങുന്ന കണ്ണുനീർ തുള്ളികൾ വിരലുകൾ കൊണ്ട് തുടയ്ച്ച് മാറ്റി ….

” ഞാനൊരു വാക്ക് തന്നിട്ടുണ്ട് , താനെന്നെ ആട്ടിയകറ്റിയാലല്ലാതെ ഞാൻ തന്നെ വിട്ട് പോവില്ല എന്ന് …. ഓരോന്ന് സംസാരിച്ച് സമയം പോയി … താൻ പോയി ഫ്രഷായി റെഡിയായി വാ നമുക്ക് ഒരിടം വരെ പോകണം .”

” എവിടേയ്ക്ക് ? ”

അവൾ ആകാംഷയോടെ ചോദിച്ചു ….

” അത് സസ്പെൻസ് …. താൻ പോയി വേഗം റെഡിയായി വാ …. ”

അവനത് പറഞ്ഞതും അവൾ വേഗം റൂമിലേയ്ക്ക് പോയി …. അവൻ സോഫയിലിരുന്ന് പത്രം വിടർത്തി അതും നോക്കി ഇരുന്നു ….

കുറച്ച് സമയം കഴിഞ്ഞതും അഹാന റെഡിയായി താഴേയ്ക്കിറങ്ങി വന്നു … അവന്റെ ഡ്രെസ്സിന് മാച്ചായി ചുവന്ന ബോഡറുള്ള ഒരു സെറ്റ് സാരിയാണ് അവൾ ധരിച്ചതും ….

ആ വേഷത്തിൽ അവനവളെ ഒരു നിമിഷം നോക്കി നിന്നു പോയി …

” താനാള് കൊള്ളാല്ലോ ….. ”

അവൻ പറഞ്ഞതും അവളൊന്നു പുഞ്ചിരിച്ചു .