💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

” അതെന്താ ? ”

” അതെന്താന്ന് ചോദിച്ചാൽ …… ഇങ്ങനെ ഒരുങ്ങി നടന്നാൽ വേറെ ഏതേലും പെൺപിള്ളേര് പുറകേ കൂടിയാലോ ….. ?”

ചെറു പുഞ്ചിരിയോടെ അവളവനോട് പറഞ്ഞു …..

“ശ്ശേ അങ്ങനെയാണാ , ഇതാരറിഞ്ഞു …. ഇത്രേം ദിവസം വേസ്റ്റായില്ലേ …. ആ പോട്ടെ ഇനി മുതൽ ഇതുപോലെ ഒരുങ്ങി നടക്കാം …. എത്ര പെൺപിള്ളേര് എന്റെ പുറകേ വരുമെന്ന് നോക്കാമല്ലോ ? എന്താ തന്റെ അഭിപ്രായം ….. ? ”

അവളെ ഒന്ന് ചൊടുപ്പിക്കാൻ വേണ്ടി അജു വെറുതെ തമാശയ്ക്ക് പറഞ്ഞു . അത് കേട്ടതും അവളുടെ മുഖത്തെ സന്തോഷം മാറി ഒരൽപ്പം ദേഷ്യം നിറഞ്ഞു ….

” അങ്ങനെ വല്ല ഉദ്ദേശവും ഉണ്ടേൽ ഇപ്പൊ പറയണം , ഞാനങ്ങ് ഒഴിഞ്ഞ് മാറി തന്നേയ്ക്കാം … ”

സങ്കടവും ദേഷ്യവും നിറഞ്ഞ ഭാവത്തോടെ അവൾ പറഞ്ഞു . അത് പറഞ്ഞപ്പോഴേയ്ക്കും അവളുടെ ശബ്ദം ഇടറി , കണ്ണുകൾ നിറഞ്ഞിരുന്നു .

” എന്റെ ദൈവമേ ഇങ്ങനെ ഒരു പെണ്ണ് ….. ഇത്രയ്ക്ക് കുശുമ്പ് പാടില്ല . ഒരു തമാശ
പറയാൻ കൂടി കഴിയല്ലാന്ന് വച്ചാൽ ….. അതിന് മുന്നേ ദേഷ്യം കയറി കണ്ണും നിറച്ച് . തന്നെ ഒന്ന് കാണാൻ വേണ്ടിയല്ലേ ഞാനീ രാവിലെ ഒരുങ്ങിക്കെട്ടി വന്നത് . അഥവാ ഇനി ഏത് പെണ്ണ് എന്റെ പുറകേ നടന്നാലും തന്നെ വിട്ട് മറ്റൊരാളോടൊപ്പം ഞാൻ പോകുമെന്ന് താൻ കരുതുന്നുണ്ടോ ? അത്ര വിശ്വാസമേ ഉള്ളോ എന്നെ ….? ”

അവനത് ചോദിച്ചതും അവളവന്റെ നെഞ്ചിൽ മുഖം പൂഴ്ത്തി …..