? അസുരൻ ? s2 ep1 [ Vishnu ] 559

? 19

അവൻ നല്ല കലിപ്പിൽ ആയിരുന്നു..അപ്പോഴാണ് എല്ലാവരെയും ഞെട്ടിച്ച സംഭവം ഉണ്ടായത്..

“എനിക്ക് ഒരാളെ ഇഷ്ടം ആണ്..അതുകൊണ്ടാണ് ഞാൻ ബാക്കി ഉള്ളവരെ റീജക്ട് ചെയ്തത്…നിന്നെയും അതുകൊണ്ടാണ് റീജക്ട് ചെയ്തത്..പോരെ കാരണം..”

അത് കേട്ട അവിടെ ആ ക്ലാസ്സിൽ ഉണ്ടായിരുന്ന എല്ലാവരും ഞെട്ടി..

അതേ സമയം നന്ദുവിന് ബോധം പോകുന്നത് പോലെ തോന്നി..

“അപ്പൊ അവൾക്ക് വേറെ ഒരാളെ ഇഷ്ടം ആയിരുന്നോ..”

അവന്റെ മനസ്സു നല്ല രീതിയിൽ നൊന്തു..

എല്ലാരുടെയും നോട്ടം അവളിലും കാശിയിലും ആയി..നന്ദുവും ഇച്ചുവും അജുവും അവരുടെ നോട്ടം അവരിലേക്ക് ആക്കി..

കാശിയും ഒരു നിമിഷം ഞെട്ടി പോയിരുന്നു..അവളിൽ നിന്നും അങ്ങനെ ഒരു ഉത്തരം അവനും പ്രതീക്ഷിച്ചില്ല..

“ആരെ..”

കാശിയുടെ ശബ്ദം വളരെ യാന്ത്രികം ആയി മാറിയിരുന്നു…അവനെക്കാൾ അവൾക്ക് ഇഷ്ടപ്പെട്ട ആൾ ആര്‌ എന്നതായിരുന്നു  അതിന്റെ കാരണം..

“അവനെ..അതും പറഞ്ഞു അവൾ കൈ ചൂണ്ടി…എല്ലാവരുടെയും നോട്ടം അവളുടെ കൈ നീട്ടിയ ഭാഗത്തേക്ക് ആയിരുന്നു..