റോഡിലൂടെ നടന്നു പോയ മധ്യവയസ്കനായ ഒരാളായിരുന്നു അത് ….. അവർ രണ്ട് പേരും നിന്ന് പരുങ്ങുന്നത് കണ്ടതും അയാൾ അവരുടെ അടുത്തേയ്ക്ക് ചെന്നു …
” നിങ്ങൾ ആരാ ? എന്താ വേണ്ടെ ? എന്താ കാര്യം … ? ”
അയാൾ വീണ്ടും ചോദിച്ചു .
” അത് ഒരു കേസിന്റെ ആവശ്യത്തിന് വക്കീലിനെ കാണാൻ വേണ്ടി ….. ”
ദക്ഷ ഉടനെ പറഞ്ഞു ……
” നിങ്ങളീ നാട്ടുകാരല്ല അല്ലേ ….. ? ”
അയാളുടെ ആ ചോദ്യത്തിന് അവർ രണ്ട് പേരും അതെ എന്നർത്ഥത്തിൽ തലയാട്ടി …..
” ഇവിടെ ആരും ഇല്ലേ ….. ? ”
ആ വീട്ടിലേയ്ക്ക് നോക്കി ദക്ഷ ചോദിച്ചു ….
” ഇല്ല , ഇവിടെ ഇപ്പൊ ആരുമില്ല ….. വിശ്വനാഥ് വക്കീല് മരിച്ചിട്ട് എട്ട് പത്ത് മാസം കഴിഞ്ഞു …. ”
അയാൾ മറുപടി പറഞ്ഞു . അത് കേട്ട ദക്ഷയ്ക്ക് ഞെട്ടലൊന്നും തോന്നിയില്ല , അച്ചുവാകട്ടെ ഒന്നും മനസ്സിലാകാതെ അവരെ രണ്ട് പേരെയും മാറി മാറി നോക്കി നിൽക്കുകയാണ് …..
” എന്ത് പറ്റിയതാ …. അദ്ദേഹം എങ്ങനെയാ മരിച്ചത് ? അപ്പൊ വീട്ടിലെ ബാക്കിയുള്ളവർ ….? ”
ദക്ഷ കാര്യമറിയാനായി തിരക്കി …..
” ആ കുടുംബം മുഴുവൻ നേരിട്ടത് ഒരു വലിയ ദുരന്തമാ ….. വക്കീലിന്റെയും ടീച്ചറുടെയും മോള് ഈ വീട്ടിൽ വച്ച് ആത്മഹത്യ ചെയ്തു . കാര്യം എന്തെന്ന് നാട്ടുകാർക്കാർക്കും അറിയത്തുമില്ല .
കുറച്ചു നാളുകളെ ആയിട്ടുള്ളു ഞാൻ ഈ സൈറ്റിൽ കഥ വായിച്ചു തുടങ്ങിയിട്ട്. സൂപ്പർ ആയിട്ടുണ്ട്