” ആരുടെ വീട് ….. നീ എന്ത് അന്വേഷിച്ചു എന്ന് …. ? ”
അത് കേട്ട അർച്ചന ഉടനെ ചോദിച്ചു …
” പറയാം വാ …. ”
ദക്ഷ അതും പറഞ്ഞ് മുന്നോട്ട് നടന്നു ….. അച്ചുവിന് ചെറുതായി ദേഷ്യം വന്ന് തുടങ്ങിയിരുന്നു ഒപ്പം കാര്യം എന്തെന്നറിയാനുള്ള ആകാംഷയും …..
ആ വീടിന്റെ ഗേറ്റിന് മുന്നിലെത്തിയതും ദക്ഷ ഒന്ന് നിന്നു , പുറകേ വന്ന അച്ചു ചുറ്റുമെന്ന് നോക്കി . അപ്പോഴാണവൾ മതിലിൽ പതിപ്പിച്ച ആ ബോർഡ് കണ്ടത് , അഡ്വക്കേറ്റ് വിശ്വനാഥ് MA , LL.B . മനസ്സിൽ നിറഞ്ഞ സംശയത്തോടെ അച്ചു ദക്ഷയുടെ അടുത്തേയ്ക്ക് നീങ്ങി . അവൾ നോക്കിയപ്പോൾ ആ ഗേറ്റിന്റെ ഇരുമ്പഴിക്കുള്ളിലൂടെ അകത്തേയ്ക്ക് തന്നെ നോക്കി നിൽക്കുന്ന ദക്ഷയെയാണ് കണ്ടത് .
” എന്താ ദക്ഷെ നമ്മളെന്താ ഇവിടെ ? ”
അർച്ചനയുടെ ആ ചോദ്യമാണ് ദക്ഷയെ തന്റെ ചിന്തകളിൽ നിന്നുണർത്തിയത് . അവൾ ഒന്നും പറയാതെ മുന്നോട്ട് നോക്കി , ആ ഗേറ്റ് പുറത്ത് നിന്ന് താഴിട്ട് പൂട്ടിയിരിക്കുകയാണ് . അവളൽപ്പം മുന്നോട്ട് നീങ്ങി ആ ഗേറ്റിന്റെ വിടവിലൂടെ ഉള്ളിലേയ്ക്ക് നോക്കി …. ആൾ താമസമില്ലാത്തതു പോലെ ചപ്പുംചവറുകൾ നിറഞ്ഞ് കിടക്കുകയാണ് ആ വീടിന്റെ മുറ്റം മുഴുവൻ …….
” ആരാ ….. ? എന്താ ….. ? ”
അ ചോദ്യം കേട്ടതും അവർ രണ്ട് പേരും ഒരു ഞെട്ടലോടെ തിരിഞ്ഞ് നോക്കി , ആ ശബ്ദം വന്ന ഭാഗത്തേയ്ക്ക് .
കുറച്ചു നാളുകളെ ആയിട്ടുള്ളു ഞാൻ ഈ സൈറ്റിൽ കഥ വായിച്ചു തുടങ്ങിയിട്ട്. സൂപ്പർ ആയിട്ടുണ്ട്