” അതൊ ….. നിന്റെ പുന്നാര പെങ്ങൾ ചുട്ട ദോശയാ കരിഞ്ഞ് പോച്ച് , അവളുടെ ഫസ്റ്റ് അറ്റംപ്റ്റ് . നീ തന്നെ കഴിച്ചോ …. ”
ഒരു ചിരിയോടെ ലക്ഷ്മി പറഞ്ഞ ശേഷം തിരികെ അടുക്കളയിലേയ്ക്ക് നടന്നു ….
” എന്തോന്നാടി ഇത് ….. ? ”
ഒരു പുഞ്ചിരിയോടെ അവളുടെ മുഖത്ത് നോക്കി അവൻ ചോദിച്ചു ….
” പറ്റിപ്പോയി ….. ”
ഒരു ചിരിയോടെ അവളതും പറഞ്ഞ് വേഗം കഴിക്കാൻ തുടങ്ങി . കഴിച്ച് കഴിഞ്ഞ് അവൻ കാറിന്റെ കീയുമായി പുറുത്തേയ്ക്കിറങ്ങി , പുറകേ അനുവും ……
” ചേട്ടാ ആദ്യം ഷോപിങ് പിന്നെ കറക്കം ….. ”
അനു ഉടനെ പറഞ്ഞു ….
” നിന്നേം കൊണ്ടല്ലേ പോകുന്നേ ഞാൻ കറങ്ങിയത് തന്നെ ….. ”
അവനതും പറഞ്ഞ് കാറിൽ കയറി സ്റ്റാർട്ട് ചെയ്തു , മുന്നിലായി അവൾ കയറിയതും അവൻ കാറ് മുന്നോട്ടെടുത്തു .
സിറ്റിയിലെ ഒരു മാളിന്റെ അണ്ടർ ഗ്രൗണ്ട് പാർക്കിങ്ങിൽ കാറ് നിർത്തിയ ശേഷം അവർ അകത്തേയ്ക്ക് കയറി …..
” നീ എന്താന്ന് വച്ചാ പോയി മേടിച്ചിട്ട് വാ ….. ”
സ്ത്രീകളുടെ ഡ്രസ്സിന്റെയും മറ്റും സെക്ഷന് മുന്നിലെത്തിയതും ആദിത്യൻ അനുവിനോട് പറഞ്ഞു ….
” ഏട്ടാ …. കാശ് …. ? ”
ഉടനെ അവൾ ചോദിച്ചു ….
” ആഹാ ….. കയ്യിൽ കാശൊന്നുമില്ലാതെയാ രാവിലെ തന്നെ എന്നെയും കുത്തിയിളക്കി വീട്ടിൽ നിന്നിറങ്ങിയത് ….. ? ”
ആദി അവളോട് ചോദിച്ചു ….
കുറച്ചു നാളുകളെ ആയിട്ടുള്ളു ഞാൻ ഈ സൈറ്റിൽ കഥ വായിച്ചു തുടങ്ങിയിട്ട്. സൂപ്പർ ആയിട്ടുണ്ട്