” അത് ചേട്ടാ …. അവിടെ ഷോപ്പിന്റെ മുന്നിൽ രണ്ട്മൂന്ന് കുരുത്തം കെട്ടവന്മാർ നിന്ന് ഒരു മാതിരി വൃത്തികെട്ട കമന്റടിയും വായിനോട്ടവും … ഒടുവിൽ ഗതികെട്ട് ഷോപ്പിലുള്ള സെയിൽസ് ഗേൾ പോയി ചോദിച്ചപ്പോൾ അവന്മാർ എന്തൊക്കെയോ പറഞ്ഞ് അവളെയും കരയിപ്പിച്ച് വിട്ടു …. പിന്നെ ഷോപ്പിനകത്ത് കയറി വന്ന് ഒരു മാതിരി … ശ്ശേ ….
ഏട്ടനെ ഞാനവിടെ മുഴുവൻ നോക്കി ….. ഏട്ടൻ കണ്ടിരുന്നേൽ ഉറപ്പായും അവന്മാർക്കിട്ട് ഓരോന്ന് പൊട്ടിച്ചേനെ . ”
അനു ദേഷ്യ സ്വരത്തിൽ പറഞ്ഞു ….
” ആഹാ ….. നീ പറയുന്നവരെയൊക്കെ തല്ലലല്ലേ എന്റെ പണി …. ”
ഒരു കളിയാക്കലോടെ ചിരിച്ചു കൊണ്ട് അവൻ പറഞ്ഞു ….
” പിന്നെ എന്തിനാ മാർഷൽ ആർട്സെന്നും പറഞ്ഞ് കുറേ പഠിച്ച് വച്ചിരിക്കുന്നതും ഇപ്പൊ അത് മറ്റുള്ള പിള്ളേരെ പഠിപ്പിക്കാനാണെന്നും പറഞ്ഞ് ലണ്ടനിൽ വരെ പോയി അവിടുത്തെ ഇൻസ്റ്റിറ്റ്യൂട്ടിൽ റ്റീച്ചിങ് ട്രെയിനറായി ജോലിക്ക് കയറിയതും ….. ”
ചെറിയ ദേഷ്യത്തോടെ അവൾ ചോദിച്ചു ….
” ഇതൊക്കെ പഠിക്കുന്നത് നാട്ടിലുള്ളവരെ തല്ലി ഒതുക്കാൻ വേണ്ടിയല്ല . സ്വയരക്ഷയ്ക്കും മറ്റൊരാളെ അത്തരം അപകട ഘട്ടങ്ങളിൽ നിന്ന് രക്ഷപ്പെടുത്താനും വേണ്ടി മാത്രമാ ….. ”
ആദി ഉടനെ പറഞ്ഞു …… അനുവാകട്ടെ ഒന്നും പറയാതെ ചെറിയ പിണക്കത്തോടെ മുഖം വീർപ്പിച്ച് തിരിഞ്ഞിരുന്നു …..
” മ് ….. നീ ഇവിടെ ഇരിക്ക് ….. എനിക്കൊരു കോൾ ചെയ്യാനുണ്ട് ഒരഞ്ചു മിനിറ്റ് , ഞാനത് മറന്നിരിക്കുവായിരുന്നു …. ”
ആദി അതും പറഞ്ഞ് ഡോറ് തുറന്ന് പുറത്തേയ്ക്കിറങ്ങി ….
അനു ഒന്നും പറയാതെ മിണ്ടാത ഇരുന്നു …. അൽപ്പം കഴിഞ്ഞ് തിരിഞ്ഞ് നോക്കിയപ്പോൾ ആദിത്യന്റെ ഫോൺ കാറിനുള്ളിൽ തന്നെ ഇരിക്കുന്നതാണവൾ കണ്ടത് , ഡ്രൈവിങ് സീറ്റിനടുത്തുള്ള ഡോറിലെ കെയിസിനുള്ളിൽ …
” ഫോണെടുക്കാതെ ആരെ വിളിക്കാൻ പോയതാ …. ”
അവളതും പറഞ്ഞ് ആ ഫോണുമെടുത്ത് വേഗം ഡോർ തുറന്ന് പുറത്തിറങ്ങിയ ശേഷം ചുറ്റും നോക്കി , പക്ഷെ അവനെ അവിടെ ഒരിടത്തും കണ്ടില്ല …..
തുടരും …………. ,
ഈ ഭാഗം ഇഷ്ട്ടമായെങ്കിൽ പോകുന്നതിനു മുൻപ് ഇതൊന്ന് ❤️ ചുവപ്പിച്ചേക്കണേ ….. നിങ്ങളുടെ വിലപ്പെട്ട അഭിപ്രായങ്ങൾ ✍️കമന്റായും പ്രതീക്ഷിക്കുന്നു .
🙏🙏🙏 ……..
സ്നേഹത്തോടെ ….,
വിച്ചു [ ചെകുത്താനെ സ്നേഹിച്ച മാലാഖ ]
കുറച്ചു നാളുകളെ ആയിട്ടുള്ളു ഞാൻ ഈ സൈറ്റിൽ കഥ വായിച്ചു തുടങ്ങിയിട്ട്. സൂപ്പർ ആയിട്ടുണ്ട്