ഹൃദയരാഗം 20

Author : അച്ചു ശിവ | Previous Part

ഇത്രയും വാശിക്കാരൻ ആയ നിങ്ങളുടെ ഭാര്യ അല്ലേ മോനേ കടുവേ ഈ ഞാൻ  .അപ്പോ അതിന്റെ കുറച്ചു ഗുണമെങ്കിലും ഞാൻ കാണിക്കണ്ട …ഇന്ന് ഞാൻ തോറ്റു പോയി ..പക്ഷേ നാളെ ,നാളെ എന്നൊരു ദിവസം ഉണ്ടെങ്കിൽ നിങ്ങൾ കോളേജിൽ വന്നിരിക്കും …വാസുകി വിനയ് മേനോൻ ആണ് പറയുന്നത് ….അവൾ ഉറച്ച തീരുമാനത്തോടെ അവിടെ കൈ കെട്ടി നിന്നു ….
========= ========= ======== ===== ===

രാത്രി ഉറങ്ങാൻ കിടന്ന വാസുകി അന്നേ ദിവസത്തെ സുന്ദര നിമിഷങ്ങളെ മനസ്സിലിട്ടു താലോലിച്ചു ….അതോർക്കുമ്പോൾ തന്നെ അവളുടെ കവിളുകളിൽ നാണത്തിന്റെ അരുണിമ വിരിഞ്ഞു ….കിടക്ക കണ്ടാൽ അപ്പൊ ഉറങ്ങുന്ന വാസുകി ഇന്ന് കണ്ണും തുറന്നു തന്നെ അതേ കിടപ്പൂ കിടന്നു …നാളെ ചെയ്യേണ്ട കുരുത്തക്കേടുകളുടെ ലിസ്റ്റ് എഴുതുകയാണ് മനസ്സ് …ഇന്നത്തെ പോലെ തന്നെ വിനയേട്ടന്റെ കൂടെ വലിഞ്ഞു കേറി പോണം നാളെയും .നോ എന്ന് പറയാൻ ഒരു ചാൻസ് പോലും കൊടുക്കരുത് …അവൾ മനസ്സിൽ കണക്കു കൂട്ടി …

“ശേ ,ഉറക്കവും വരുന്നില്ലല്ലോ” …അവള് തിരിഞ്ഞും മറിഞ്ഞുമൊക്കെ കണ്ണടച്ച് കിടന്നു …

ഒന്നു ഉറങ്ങിയിരുന്നെങ്കിൽ എനിക്കെന്റെ വിനയേട്ടനെ ഒന്നു സ്വപ്നം കാണാരുന്നു …

“എന്റെ ദൈവങ്ങളെ ,ഇന്നെങ്കിലും ആ കടുവഫേസിനു പകരം …എന്റെ വാസു മോളേന്നും വിളിച്ചോണ്ട് ചിരിച്ചു നല്ല റൊമാന്റിക് ആയി നിൽക്കുന്ന അങ്ങേരുടെ മോന്തായം എനിക്കൊന്നു കാട്ടി തരണേ ”

ഇന്നത്തെ ദിവസം പറ്റിയ അബദ്ധം ആവർത്തിക്കാതെ നാളെ എങ്കിലും വിനയ്നേ ഫ്രണ്ട്സിനു പരിചയപ്പെടുത്തി കൊടുക്കാനുള്ള മാർഗങ്ങൾ ആലോചിച്ചു ആലോചിച്ചു വാസുകി നിദ്രയെ പുൽകിയപ്പോൾ എങ്ങനെ അവളെ ഒപ്പം കൂട്ടാതെ രക്ഷപെടാം എന്ന ചിന്തയിൽ ആയിരുന്നു വിനയ് …..  

==== ======== ======= ====== =======

പിറ്റേന്ന് രാവിലെ ഉറക്കത്തിൽ നിന്നും ഞെട്ടിയുണർന്ന വാസുകി വെപ്രാളത്തോടെ ക്ലോക്കിലേക്ക് നോക്കി ..

“അയ്യോ ടൈം ഇത്രയും ആയോ ?എന്റെ ഒരു ഉറക്കം ..ഇന്നെന്തെല്ലാം പ്ലാനുകൾ നടത്താനുള്ളതാ …എന്നിട്ട് പോത്തു പോലെ കിടന്നു ഇറങ്ങിയിരിക്കുന്നു “…അവൾ സ്വയം തലക്ക് ഒരു തട്ട് കൊടുത്തിട്ട് ബെഡിൽ നിന്നും എഴുന്നേറ്റു ..

ഏതായാലും വിനയേട്ടനു പോകാനുള്ള ടൈം ഒക്കെ ആയി വരുന്നതേ ഉള്ളൂ …വേഗം പോയി റെഡി ആകാം ..ഇനി ചായ കുടിക്കാനൊക്കെ താഴേക്ക് പോയി വെറുതെ സമയം പാഴാക്കണ്ട …അല്ലെങ്കിൽ തന്നെ എന്നെ കൂടെ കൊണ്ടു പോകുന്നത് ആ മനുഷ്യന് ചതുർഥിയാ ….ഇനി ലേറ്റ് ആയെന്നു വേണ്ട ….ആ ചിന്തയോടെ അവൾ റെഡി ആകാനായി പോയി …