ഹൃദയരാഗം 20 [Achu Siva] 702

ഇത് കേട്ട അവിടെ നിന്ന പെൺപടകളുടെയെല്ലാം നോട്ടം കാറിന്റെ അടുത്തേക്കായി …

കാറിൽ നിന്നും ഇറങ്ങി വരുന്ന വിനയ്നെ കണ്ട് ടീന ഉൾപ്പെടെ എല്ലാവരും കണ്ണും തള്ളി നോക്കി നിന്നു …വാസുകി പോലും ഒരുനിമിഷം അയാളെ കണ്ട് വാ പൊളിച്ചു നിന്നു …

ഒരു ബ്ലാക്ക് ഷർട്ടും ലൈറ്റ് ആഷ്  നിറത്തിലുള്ള പാന്റും ധരിച്ചു ഇറങ്ങി വരുന്ന അവനെ കണ്ടാൽ ആരും ഒരു നിമിഷം നോക്കി പോകും എന്നവൾക്കു തോന്നി പോയി . 

എന്റെ വിനയേട്ടാ ,പൊളിച്ചു മുത്തേ ,അന്ന് ഞാൻ അണിയിച്ചൊരുക്കിയതൊക്കെ എന്ത് ?…ഓഹോ അപ്പോൾ ഇന്നെന്തോ പ്രധാനപ്പെട്ട മീറ്റിംഗ് ആയിരുന്നുവെന്നു തോന്നുന്നല്ലോ . അല്ലെങ്കിൽ ആശാൻ ഇത്രയും ലുക്കിൽ ഇങ്ങു പോരൂലാ …ഇതും ചിന്തിച്ചു വാസുകി അയാൾക്ക്‌ ആവശ്യത്തിൽ അധികം ഉമ്മകൾ വാരി കോരി ചൊരിഞ്ഞു ..മനസ്സിലാണെന്നു മാത്രം .

വെയിലത്ത്‌ വണ്ടി ഓടിച്ചു വന്നത് കൊണ്ടാകും ഒരു കറുത്ത കൂളിങ് ഗ്ലാസ്സ് വെച്ചിട്ടുണ്ട് ..അത് ഇറങ്ങിയപ്പോൾ തന്നെ സ്റ്റൈൽ ആയിട്ട് ഊരി പോക്കറ്റിലേക് വെച്ചു …

ആവശ്യത്തിന് ഉയരവും ഉറച്ച ശരീരവും ,വെട്ടി ഒതുക്കിയ മീശയും ,അങ്ങിങ്ങായി അല്പം നര കലർന്ന സാൾട്ട് ആൻഡ് പെപ്പർ ലുക്കിലുള്ള തലമുടിയും അവനു പ്രേത്യേക ഭംഗി നൽകുന്നുണ്ടായിരുന്നു ..ഷർട്ട്‌ കൈ മുട്ടിനു താഴെയായി മടക്കി വെച്ചു ഇടതു കൈയിൽ ഒരു ബ്ലാക്ക് സ്ട്രാപ്പ് വാച്ചും കെട്ടി അയാൾ നടന്നു വരുന്നത് കണ്ടപ്പോൾ തന്നെ വാസുകിയ്ക്ക് തുള്ളിച്ചാടാൻ തോന്നി ..

താൻ ആഗ്രഹിച്ചതിലും ഭംഗിയായാണ് തന്റെ വിനയേട്ടൻ കോളേജിലേക്ക് വന്നിരിക്കുന്നത്

…

വാസുകിയെ തന്നെ നോക്കി നടന്നു വരികയായിരുന്ന വിനയ് ഒരുനിമിഷം ഒന്നു ചിന്തിച്ചു ..

“അഞ്ജനയും ഗീതുവും മാത്രമേ കൂടെ ഉള്ളെന്നു പറഞ്ഞിട്ട് ഇതിപ്പോ ഒരു കൂട്ടം തന്നെ ഉണ്ടല്ലോ ..ഇവളുമാരൊക്കെ എന്താ എന്നെ ഒരു കാഴ്ചവസ്തുവിനെ പോലെ നോക്കുന്നത്  ”  …അയാൾ അത് മൈൻഡ് ചെയ്യാതെ നോട്ടം വാസുകിയിലേക്ക് തന്നെ കേന്ദ്രീകരിച്ചു .

തന്നെ നോക്കി നടന്നു വരുന്ന അയാളുടെ കണ്ണുകളിൽ അവൾക്ക് കാണാൻ കഴിഞ്ഞത് പണ്ട് തനിക്ക് വയ്യാതെ വന്നപ്പോൾ അയാൾക്കുണ്ടായിരുന്ന അതേ ആകാംക്ഷയും ടെൻഷനുമാണ് . അത് കണ്ടതും സന്തോഷം മാറി വാസുകിയിൽ അൽപ സ്വല്പം ഭയവും നിറയാൻ തുടങ്ങി
..