ഹൃദയരാഗം 20 [Achu Siva] 702

അഞ്ജന വാസുകിയുടെ ഫോണിൽ നിന്നും വിനയ്ടെ  നമ്പർ എടുത്ത്  ഡയൽ ചെയ്തു …

കുറെ സമയം റിംഗ് ചെയ്ത ശേഷം വിനയ് കോൾ അറ്റൻഡ് ചെയ്തു .

ഹലോ ..

ഹലോ ,വിനയ് സർ അല്ലേ ?

യെസ്  .ആരാണ് വിളിക്കുന്നത് ? ഞാൻ അൽപ്പം തിരക്കിൽ ആയിരുന്നു .കുറച്ചു കഴിഞ്ഞു അങ്ങോട്ട് തിരിച്ചു വിളിച്ചാൽ മതിയോ ?

അയ്യോ സർ കട്ട്‌ ചെയ്യരുത് .ഞാൻ അഞ്ജന ആണ് ..വാസുകിയുടെ ഫ്രണ്ട് . അരുൺ ദേവിന്റെ സിസ്റ്റർ .നമ്മൾ ഒരിക്കൽ  കണ്ടിട്ടുണ്ട് ….

മനസ്സിലായി ..പറഞ്ഞോളൂ …

സർ ഞാനൊരു അത്യാവശ്യ കാര്യത്തിനാണ് വിളിച്ചത് …ഞാൻ ഞങ്ങളുടെ മിസ്സിന്റെ കൈയിൽ ഫോൺ കൊടുക്കാം .

അഞ്ജന മിസ്സിന്റെ കൈയിൽ അവളുടെ മൊബൈൽ കൊടുത്തു . വാസുകി ടെൻഷനോടെ നഖം കടിച്ചു അവരുടെ സംസാരം ശ്രെദ്ധിച്ചിരുന്നു ..

ഹലോ ..സോറി . ഞാൻ ഒരു മീറ്റിംഗിൽ ആയിരുന്നു .പറഞ്ഞോളൂ …

ആ ഹലോ  …മിസ്റ്റർ വിനയ് മേനോൻ ഞാൻ വാസുകിയുടെ മിസ്സ് ആണ് സംസാരിക്കുന്നത് ..

ഓക്കേ .എന്താണ് മാം ….എന്ത് പറ്റി ?

“ഞങ്ങൾ വാസുകിയുടെ ഫോണിൽ നിന്നും വിളിച്ചിരുന്നു .എടുക്കാത്തത് കൊണ്ടാണ് അഞ്ജനയുടെ നമ്പറിൽ നിന്നും വിളിച്ചത്” …

ഇത് കേട്ട വിനയ്‌ക്ക് ചെറുതായി ഒരു ചമ്മൽ തോന്നി  .ശ്ശേ എടുക്കേണ്ടതായിരുന്നു അയാൾ മനസ്സിൽ ഓർത്തു …