ഹൃദയരാഗം 20 [Achu Siva] 702

പുറത്തിറങ്ങിയ മൂന്നും കൂടി ഒരു സെക്കന്റ്‌ അവിടെ നിന്നു ..അവർ മൂന്ന് പേരും പരസ്പരം നോക്കി ചിരിച്ചു ….പ്ലാൻ വിജയിച്ചതിന്റെ സന്തോഷത്തിൽ …

“എങ്ങനെ ഉണ്ടെടി  എന്റെ പ്രകടനം ?..കിടുക്കാച്ചി ആയിട്ടില്ലേ …എന്നെ സമ്മതിക്കണം”  .വാസു സ്വയം പൊങ്ങി …

“പോരാ പോരാ തീരെ പോരാ ….നിന്റെ ആ വീഴ്ച്ച അത്  ഒട്ടും ശെരി ആയില്ല …നല്ല വധം  ആരുന്നു …ആ പോട്ടെ ,അടുത്ത തവണ ശരിയാക്കാം …അപ്പോ ഇത് വരെ ഓക്കേ …വിളിച്ചിട്ട് നിന്റെ ആ മേനോൻ ചോട്ടൻ വന്നില്ലെങ്കിൽ സംഗതി ചീയും കേട്ടോ .”ഗീതു അവളെ കളിയാക്കി .

മിണ്ടാതിരിക്കിനെടി ,മിസ്സ് ഇപ്പൊ വരും അങ്ങോട്ട് നടക്ക് ..”…അഞ്ജനയും ഗീതുവും അവളെ താങ്ങിക്കൊണ്ടു സ്റ്റാഫ്‌ റൂമിലേക്ക് പോയി .

======== ======= ======= ====== ===

വാസുകിയ്ക്കു കുടിക്കാൻ വെള്ളമൊക്കെ  കൊണ്ടു കൊടുത്തു …അവൾ ഗീതുവിന്റെ  തോളിൽ ചാരി കിടന്നു …

മിസ്സ് വന്നു വാസുകിയുടെ വീട്ടിലേക്ക്  ഡയൽ ചെയ്തു കൊടുക്കാൻ ആവശ്യപ്പെട്ടു ..

വാസുകി അവളുടെ മൊബൈൽ എടുത്തു വിനയ്ടെ നമ്പർ ഡയൽ ചെയ്തു അഞ്ജനയുടെ കൈയിൽ കൊടുത്തു …

റിങ് ചെയ്തതല്ലാതെ കോൾ എടുത്തില്ല  .അഞ്ജന രണ്ടു തവണ കൂടി വിളിച്ചു നോക്കി .ഒരു പ്രതികരണവും ഇല്ല ..

“കോൾ എടുക്കുന്നില്ലല്ലോടി”  ..അഞ്ജു ഒരു നിരാശയോടെ വാസുകിയെ നോക്കി പറഞ്ഞു .

അതവളിൽ ചമ്മലും സങ്കടവും ഉളവാക്കി .വാസുകിയുടെ മുഖം വല്ലാതെ ആയി .

“അത് ചിലപ്പോ ഇപ്പോ എന്തെങ്കിലും തിരക്കിൽ ആയതു  കൊണ്ടാവും …ഞാൻ വെറുതെ വിളിക്കുവാണെന്നു കരുതി കാണും …അവൾ ഒരു വിളർച്ചയോടെ പറഞ്ഞു …അഞ്ജു നീ നിന്റെ നമ്പറിൽ നിന്നൊന്നു വിളിച്ചു നോക്കിക്കേ” …