ഹൃദയരാഗം 20 [Achu Siva] 702

“അല്ല വിനയേട്ടന് തിരക്കാണെങ്കിൽ ഞാൻ ഫ്രണ്ട്സിനെയും കൂട്ടി ഒരു ഓട്ടോ പിടിച്ചു വീട്ടിലേക്കു പൊയ്ക്കോളാം” …അവൾ ആവശ്യത്തിൽ അധികം നിഷ്കളങ്കത കുത്തി കേറ്റി പറഞ്ഞു .

“വേണ്ട ഞാൻ ഇപ്പൊ വരാം ..എത്താറാകുമ്പോൾ വിളിക്കാം .നീ മിസ്സിനോട് പറഞ്ഞിട്ട് ഇറങ്ങിയാൽ മതി” ഓക്കേ .

ശെരി വിനയേട്ടാ ഞാൻ വെയ്ക്കുവാണെ  .

അവൾ സന്തോഷത്തോടെ കോൾ കട്ട്‌ ചെയ്തു ..വിജയീ ഭാവത്തിൽ അഞ്ചുവിനെ  നോക്കി ഒരു സൈറ്റ് അടിച്ചു കാണിച്ചു …

പെട്ടന്ന് മിസ്സ് അവളെ നോക്കി …അവൾ വീണ്ടും മുഖത്ത് അവശത വാരിക്കോരി തേച്ചു ഗീതുവിന്റെ തോളിലേക്ക് ചാഞ്ഞു കിടന്നു ..

========== ======== ====== ====== ===
കോൾ കട്ട്‌ ചെയ്ത വിനയ് അല്പം കുറ്റബോധത്തോടെ തലകുനിച്ചു   ചെയറിലേക്ക്  ഇരുന്നു  ..

“ഛെ, രാവിലെ അവളെ കൂട്ടാതെ വന്നത് വളരെ മോശമായി പോയി …  .കഴിക്കാൻ നിൽക്കാതെ ,ഒന്നു പറയുക കൂടി ചെയ്യാതെ അത്രക്ക് വേണ്ടിയിരുന്നില്ല …
സംസാരത്തിൽ നല്ല അവശത ഉണ്ട് .വേഗം പോണം …കുഴപ്പമൊന്നുമില്ലന്നല്ലേ അവർ പറഞ്ഞത് ..എങ്കിലും ഹോസ്പിറ്റലിൽ കൊണ്ടു പോകേണ്ട ആവശ്യം ഉണ്ടെങ്കിലോ …ഇനി ലേറ്റ് ആകേണ്ട .ഇപ്പോൾ തന്നെ ഇറങ്ങാം “..അയാൾ ചെയറിൽ നിന്നും എഴുന്നേറ്റു മുന്നോട്ട് നടന്നു ..

“എന്നാലും അവൾ വിളിച്ചിട്ട് എടുക്കാതെ അഞ്ജന വിളിച്ചപ്പോൾ എടുത്തത് അവളുടെ മനസ്സിനെ വേദനിപ്പിച്ചിട്ടുണ്ടാകും” ..കാര്യമെന്താണെന്നു എടുത്ത് ചോദിക്കാനുള്ള മനസ്സ് പോലും ഞാൻ കാട്ടിയില്ല.തെറ്റായി  പോയി “.വിനയ്ടെ മനസ്സ് ചിന്തകൾ കൊണ്ടു കലങ്ങി മറിഞ്ഞു …

എത്ര അകറ്റി നിർത്താൻ ശ്രെമിച്ചാലും അവൾക്കു എന്തെങ്കിലും സംഭവിച്ചു എന്നറിയുമ്പോൾ തന്റെ മനസ്സ് പിടയുന്നത് അയാൾ തിരിച്ചറിഞ്ഞു .

അയാൾ ഓഫീസിലെ മീറ്റിങ്ങും മറ്റു കാര്യങ്ങളൊക്കെ സ്റ്റാഫിനെ പറഞ്ഞേൽപ്പിച്ചിട്ടു ആകെ കലുഷിതമായ ഒരു മനസ്സോടെ  വേഗത്തിൽ അവിടെ നിന്നും ഇറങ്ങി തന്റെ കാറിൽ കയറി കോളേജിലേക്ക് പുറപ്പെട്ടു …..

===== ======== ======= ====== ======