ഹൃദയരാഗം 20 [Achu Siva] 702

വാസുകി ആകെ മൂഡ് ഓഫ്‌ ആയിരുന്നു …ഗീതുവും അഞ്ജനയും അവളെ സന്തോഷിപ്പിക്കാൻ നോക്കിയെങ്കിലും കാര്യമായി ഏറ്റില്ല ..അവൾ ക്ലാസ്സിൽ ശ്രെദ്ധ ഇല്ലാതെ ഇരുന്നു …

ഉച്ചക്ക് തൊട്ടു മുൻപുള്ള ഹൗർ ആയപ്പോഴേക്കും വാസുകിയ്ക്കു വിശപ്പിന്റെ വിളി അസഹ്യമായി .വിനയ് പോയതിൽ ദേഷ്യപ്പെട്ടു  ഒന്നും കഴിക്കാതെ വന്നതിൽ അപ്പോ അവൾക്ക് നല്ല കുറ്റബോധം തോന്നി …വിശപ്പ് സഹിക്കാൻ പറ്റാത്ത കുട്ടിയാണെ.ക്ലാസ്സിൽ മിസ്സ്  പഠിപ്പിക്കാൻ തുടങ്ങിയപ്പോൾ അവൾ ഡെസ്കിൽ തല വെച്ച് കമഴ്ന്നു കിടന്നു ..

“ഡീ എന്താടി എന്ത് പറ്റി” ?ഗീതുവും അഞ്ജനയും അവളെ തോണ്ടി വിളിച്ചു .ടീച്ചർ പുറം തിരിഞ്ഞു നിന്നു ബോർഡിൽ എഴുതുകയാണ് …വാസുകി തല ഉയർത്തി അവരെ നോക്കി ..എന്നിട്ട് മനസ്സിൽ എന്തോ ആലോചിച്ചു ഉറപ്പിച്ചു ..

“എന്താ എന്തേലും വയ്യാഴിക ഉണ്ടോ” ?അഞ്ജു ആരും കേൾക്കാത്ത രീതിയിൽ അവളോട്‌ ശബ്ദം താഴ്ത്തി ചോദിച്ചു …

ചെറിയ ഒരു തലവേദന ..ഡീ ഞാൻ ഒരു നമ്പർ ഇറക്കാൻ പോവാണ് ..വിനയേട്ടനെ ഇവിടെ കൊണ്ടു വരാൻ വേറെ വഴിയില്ല .രണ്ടെണ്ണവും കട്ടക്ക് കൂടെ നിന്നോണം മനസ്സിലായോ ?.  ടീച്ചർ ചോദിച്ചാൽ എനിക്ക് വയ്യെന്ന് പറഞ്ഞേക്കണം കേട്ടല്ലോ ..അതും പറഞ്ഞു വാസുകി വീണ്ടും അവിടെ കമഴ്ന്നു കിടന്നു …

ആ കാര്യം ഞങ്ങൾ ഏറ്റു ..ഗീതുവും അഞ്ജുവും അവളെ പിൻതാങ്ങി ..

ബോർഡിൽ എഴുതി കൊണ്ടു നിന്ന മിസ്സ്  തിരിഞ്ഞു നിന്നപ്പോൾ കമഴ്ന്നു കിടക്കുന്ന വാസുകിയെ കണ്ടു  ..

“അവിടെ എന്താണ് പ്രോബ്ലം ?അഞ്ജന എന്താണ് വാസുകിയ്ക്കു …എന്തെങ്കിലും ബുദ്ധിമുട്ട് ഉണ്ടോ”…?അതും ചോദിച്ചു മിസ്സ് അവരുടെ അടുത്തേക്ക് ചെന്നു ..

അത് മിസ്സ് വാസുകിയ്ക്ക് തലവേദന എടുക്കുന്നു എന്ന് പറഞ്ഞു ..രാവിലെ മുതൽ വയ്യാരുന്നു ..

മിസ്സ്  വാസുകിയുടെ അടുത്തു വന്നു അവളെ തട്ടി വിളിച്ചു …വാസുകി എഴുന്നേൽക്ക് …തീരെ വയ്യെ…കിടക്കണമെന്നുണ്ടെങ്കിൽ സ്റ്റാഫ്‌ റൂമിലേക്കു പോകാം  …