ഹൃദയരാഗം 20 [Achu Siva] 702

.

“ഏ? അയ്യോ അപ്പൊ നീ രാവിലെ ഒന്നും കഴിച്ചില്ലേ …ഇല്ല ഞാൻ ഇത് വിശ്വസിക്കില്ല …എന്നെ കൊണ്ടു വിശ്വസിക്കാൻ പറ്റത്തില്ല ..അതും നീ ..ഞങ്ങടെ വാസുകി ഇങ്ങനല്ല” …ഗീതു ഞെട്ടലോടെ പറഞ്ഞു ..

“ഡീ ഊതല്ലേ അധികം ,ഞാൻ പറഞ്ഞത് സത്യമാ എന്നെ കൂട്ടാതെ വിനയേട്ടൻ പോയതിന്റെ ദേഷ്യം കൊണ്ടു ഒന്നും കഴിക്കാൻ തോന്നിയില്ല …അതാണ് തലവേദന വന്നത് ..പതിവില്ലാത്തത് അല്ലേ ?

വിനയേട്ടന്റെ കൂടെ നൈസ് ആയിട്ട് പുറത്തു നിന്നും കഴിക്കാം ..വയ്യാത്തത് കൊണ്ടു ഏതായാലും മറുത്തു പറയില്ല ..എങ്ങനുണ്ട് ?എങ്ങനുണ്ട് ?

“ആ തരക്കേടില്ല ..ഏതായാലും നീ വിശന്നിരിക്കുമ്പോൾ ഞങ്ങൾ മാത്രമായി കഴിക്കാൻ പോണില്ല ..നീ പോയിട്ട് ഞങ്ങൾ കഴിച്ചോളാം …ആ പേരും പറഞ്ഞു ഉച്ച കഴിഞ്ഞുള്ള ഫസ്റ്റ് പിരീഡ് മുങ്ങാലോ” .അഞ്ചു പറഞ്ഞു ..

അവർ മൂന്ന് പേരും കോഫി മാത്രം പറഞ്ഞിട്ട് അവിടെ ഇരുന്നു ..

വാസുകി തലയ്ക്കു കൈയും കൊടുത്ത് സ്വപ്ന ലോകത്ത് എന്ന പോലെ മുഴുകി ഇരുന്നു .അവൾ വീണ്ടും ഇന്നലെ സംഭവിച്ച സുന്ദര നിമിഷങ്ങളുടെ ഓർമയിലൂടെ ഒഴുകി നടന്നു …വിനയേട്ടൻ തന്നെ ചേർത്ത് പിടിച്ചതും,താൻ ഉമ്മ വെച്ചതും ഒക്കെ ഓർത്തു അവൾ അവിടെ ഇരുന്നു ചിരിച്ചു ..

ഇത് കണ്ട ഗീതു അവൾ തലയ്ക്കു താങ്ങു കൊടുത്തിരുന്ന വാസുകിയുടെ കൈയിൽ ചെറുതായി ഒന്നു തട്ടി ..അപ്പോളാണ് വാസുകി സ്വപ്നത്തിൽ നിന്നും ഉണർന്നത് ..

“മോൾക്ക്‌ തലവേദന തന്നെ ..അതോ തലയ്ക്കു വെല്ല ????അല്ല തനിയെ ഇരുന്നു ചിരിക്കുന്നു .അതോണ്ട് ചോദിച്ചതാ” …

“അത് ..അത് പിന്നെ ….ഒന്നൂല്ല ..ഞാൻ എന്തോ ആലോചിച്ചു ഇങ്ങനെ അറിയാതെ” ….വാസുകി ചമ്മലോടെയും നാണത്തോടെയും  വിക്കി വിക്കി പറഞ്ഞു …