ഹൃദയരാഗം 20 [Achu Siva] 702

കുളി കഴിഞ്ഞെത്തിയ വാസുകി സാധാരണ ഒരു സിമ്പിൾ ചുരിദാർ എടുത്ത് ധരിച്ചു …

“എന്തൊക്കെയായിരുന്നു ഇന്നലെ ,ഷർട്ട്‌ തേക്കുന്നു കൊടുക്കുന്നു …അണിഞ്ഞൊരുങ്ങുന്നു …
ഒരേ കളർ ഡ്രസ്സ്‌ ഇടുന്നു …എന്നിട്ട് അവസാനം തേഞ്ഞു ഒട്ടിയില്ലേ …എന്റെ പൊന്നോ വേണ്ടായേ ….ഒന്നും വേണ്ട”. അവൾ കണ്ണാടിയിൽ നോക്കി പറഞ്ഞു …

അധികം ഒരുങ്ങാൻ ഒന്നും നിൽക്കാതെ അവൾ താഴേക്ക് പോയി .,മൂളിപ്പാട്ടൊക്കെ പാടി നല്ല സ്റ്റൈൽ ആയിട്ട്  സ്റ്റെപ് ഇറങ്ങി വന്നു എന്നിട്ട് നേരെ കിച്ചണിലേക്ക് ചെന്നു …

“അമ്മക്കുട്ടി” …….അവൾ  സ്നേഹത്തോടെ ശാരദാമ്മയെ വിളിച്ചു …

“ആഹാ …ചുന്ദരിക്കുട്ടി വന്നോ”? …അല്ല എന്ത് പറ്റി ഇന്ന് ഞാൻ വന്നപ്പോ ഇവിടെ എങ്ങും കണ്ടില്ലല്ലോ ?

അത് ഞൻ ചെറുതായിട്ട് ഒന്നു എഴുന്നേൽക്കാൻ താമസിച്ചു …പക്ഷേ ഇന്ന് എന്നും പോകുന്നതിനേക്കാൾ പത്തു മിനുട്ട് നേരത്തെ ഞാൻ റെഡി ആയി വന്നത് കണ്ടില്ലേ അമ്മേ …

ഇന്ന് വല്യ സന്തോഷത്തിൽ ആണല്ലോ …അല്ല കഴിക്കണ്ടേ ?മോളു ചെന്നിരുന്നോ ഞാൻ ഇപ്പോ കൊണ്ടു വരാം ..

“ഞാൻ പോയി വിനയേട്ടനെ വിളിച്ചു കൊണ്ടു വരാം “…അവൾ അതും പറഞ്ഞു തിരിഞ്ഞു നടന്നു …

അല്ല മോളിതെങ്ങോട്ടാ ?അതിനു കുഞ്ഞു പോയില്ലേ ?

ഏ?പോയെന്നോ ?അവൾ ഒരു ഞെട്ടലോടെ തിരിഞ്ഞു നിന്നു  ..

“അതേ …അപ്പൊ മോളോട് പറഞ്ഞില്ലേ ..ഒരു അഞ്ചു മിനുട്ട് ആയിട്ടുണ്ടാകും” …അവർ ഒരു സംശയത്തോടെ അവളോട്‌ പറഞ്ഞു …

ആ …അത് …ശരിയാ …ഇന്നലെ …ഇന്നലെ എന്നോട് പറഞ്ഞിരുന്നു നേരത്തെ പോകുമെന്ന് …ഞാൻ അതങ്ങു മറന്നു …അവൾ മനസ്സിലെ സങ്കടം പുറത്ത് കാട്ടാതെ പറഞ്ഞൊപ്പിച്ചു കൊണ്ടു അപ്പുറത്തേക്ക് പോയി …

വാസുകിയ്ക്കു സങ്കടവും ദേഷ്യവും നിരാശയും ഒക്കെ കൂടി വന്നു …അവൾ തന്റെ ബാഗ് എടുത്ത് അല്പം ദേഷ്യത്തോടെ ചെയറിലേക്ക് ഇട്ടു …എന്നിട്ട് അമർഷത്തോടെ രണ്ടു കൈ കൊണ്ടും മുഖം പൊത്തി തലകുനിച്ചു അവിടെ ഇരുന്നു …

കുറച്ചു സമയത്തിന് ശേഷം അവൾ എന്തോ മനസ്സിൽ ഉറപ്പിച്ചെന്ന പോലെ അവിടെ നിന്നും എഴുന്നേറ്റു …പിന്നെ ബാഗുമെടുത്തു വെളിയിലേക്ക് വേഗത്തിൽ നടന്നു പോയി …

.
ബ്രേക്ഫാസ്റ്റുമായി അവിടേക്ക് വന്ന ശാരദാമ്മ  അവളെ അവിടെയൊക്കെ നോക്കി. കാണാത്തത് കൊണ്ടു അവർ അത് ടേബിളിൽ വെച്ചിട്ട് വെളിയിലേക്ക്  ചെന്നു ..