ഹൃദയരാഗം 20 [Achu Siva] 702

അവൾ എന്താണ് ഈ പറയുന്നതെന്ന് മനസ്സിലാകാതെ ഗീതുവും അഞ്ജനയും വാസുകിയെ ഉറ്റു നോക്കി ..

ഞാൻ ഇടക്ക് നിങ്ങളോട് സൂചിപ്പിച്ചില്ലേ ,വിനയേട്ടനെ പറ്റിയുള്ള ചില സംശയങ്ങൾ …ഏട്ടന് എന്നെ നേരത്തെ തന്നെ അറിയാടി …എനിക്കത് ഉറപ്പാണ് …എന്താണ് ?എങ്ങനെയാണു ?അതൊന്നും എനിക്ക് മനസ്സിലാവണില്ല ..പക്ഷേ കണ്ടെത്തും ..ഈ വാസുകി അതൊക്കെയും കണ്ടെത്തിയിരിക്കും …

അതിനു നിനക്ക് കഴിയും വാസുകി ,ഞങ്ങളുടെ ഫുൾ സപ്പോർട്ട് നിനക്കുണ്ടായിരിക്കും ..

അന്ന് ആ മനസാക്ഷി ഇല്ലാത്തവൻ ,ആ നവീൻ പറഞ്ഞ വാക്കുകൾ ആണ് എന്നെ ഇതിനെ പറ്റി വല്ലാതെ ചിന്തിപ്പിച്ചത് ..ഞാൻ അന്ന് നിങ്ങളോട് സൂചിപ്പിച്ചില്ലേ?

“എന്നെ കല്യാണം കഴിക്കുന്നതിനു മുൻപ് തന്നെ വിനയേട്ടൻ എന്റെ ലൈഫിൽ സാന്നിധ്യം അറിയിച്ചിട്ടുള്ളതായി എന്റെ മനസ്സിൽ എവിടെയോ ഒരു തോന്നൽ ..അത് പെട്ടന്നുണ്ടായ ഒന്നാണെന്ന്  എനിക്ക് കരുതാൻ പറ്റുന്നില്ല  …വളരെ മുൻപ് തന്നെ …ഞാൻ അറിയാത്തത്  …ഞാൻ മാത്രം അറിയാത്തത് ആയി എന്തോ ഒന്നു …അതാണ് എനിക്ക്  അറിയേണ്ടത് ” …അവളുടെ മനസ്സിലെ സംഘർഷം അവളുടെ വാക്കുകളിലും മുഖത്തും നിഴലിച്ചു …അവൾ തുടർന്നു ….

“എന്റെ അച്ഛന്റെയും അമ്മയുടെയും വിച്ചേട്ടന്റെയും മരണത്തെ പറ്റി എന്തൊക്കെയോ വിനയേട്ടന് അറിയാം …പക്ഷേ നേരിട്ട് ചോദിച്ച കുറച്ചു വഴക്ക് കേൾക്കാം എന്നല്ലാതെ ഒന്നും പറയാൻ പോണില്ല ..അതിപ്പോ എന്നോട് സ്നേഹമാണെലും ദേഷ്യമാണേലും ഒരേ പോലെയാ” …

“അപ്പൊ പിന്നെന്താ നിന്റെ പ്ലാൻ ?”അഞ്ജന ആകാംക്ഷയോടെ ചോദിച്ചു ..

“എന്റെ മനസ്സിൽ ഞാൻ പലതും പ്ലാൻ ചെയ്യുന്നുണ്ട് …ഇത് എന്റെ വാശിയാണ് അഞ്ജു …വിനയേട്ടന്റെ സഹായമില്ലാതെ തന്നെ എനിക്ക് ഇതിനൊക്കെ ഉള്ള ഉത്തരം കണ്ടെത്തണം …കണ്ടെത്തിയേ തീരൂ” …

വാസുകിയിൽ ഇത് വരെ ഇങ്ങനൊരു ഭാവം അവർ കണ്ടിട്ടില്ലായിരുന്നു …അത്രയ്ക്കു ഉറച്ചതായിരുന്നു അവളുടെ ഓരോ വാക്കുകളും .അപ്പോഴേക്കും വാസുകിയുടെ ഫോണിലേക്ക് വിനയ്ടെ കോൾ വന്നു …