ഹൃദയരാഗം 20 [Achu Siva] 705

മോളേ എന്ന് വിളിക്കാൻ തുടങ്ങിയപ്പോഴേക്കും അവൾ ഗേറ്റും കടന്നു പോയിട്ടുണ്ടായിരുന്നു …

ഈ കുട്ടിക്ക് പെട്ടന്ന് ഇതെന്താ പറ്റിയത് .ഒന്നും കഴിക്കാതെ പോയല്ലോ …അവർ വെളിയിലേക്ക് തന്നെ അൽപനേരം നോക്കി നിന്നിട്ട് തിരികെ കയറി പോയി …

======== ================ ===== =====

കോളേജിലേക്ക് നടന്നു പോവുകയാണ് വാസുകിയും അഞ്ജനയും ഗീതുവും …വാസുകി നടുവിലായും അവർ രണ്ടുപേരും അവൾക്കു ഇരുവശത്തുമായി നടന്നു .

“എന്നാലും എന്റെ അഞ്ജു ,ഇവളുടെ വിനയേട്ടനോട്  എനിക്കിപ്പോ ചെറിയ ഒരു ദേഷ്യം ഒക്കെ തോന്നുന്നുണ്ട് …ഇത്രക്കങ്ങോട്ട് ജാഡ പാടില്ല ആരായാലും ..നമ്മുടെ കൊച്ചു എന്ത് മാത്രം താഴ്ന്നു സർന്റെ മുന്നിൽ .എന്നിട്ടും ഇങ്ങനൊക്കെ പെരുമാറുന്നത് എനിക്ക് എന്തോ അങ്ങോട്ട് ദഹിക്കുന്നില്ല ….അല്ലെങ്കിൽ തന്നെ പോകുന്ന വഴി ഇങ്ങോട്ട് ഒന്നു കൊണ്ടു വിടുന്നത് അത്രക്ക് പാടുള്ള കാര്യമാണോ” ?ഗീതു തന്റെ നീരസം പ്രകടമാക്കി …

ഇത് കേട്ട അഞ്ജന ഗീതുവിനെ നോക്കി മിണ്ടാതിരിക്കു എന്ന് കണ്ണ് അടച്ചു തല കുലുക്കി ആംഗ്യം കാണിച്ചു .. വാസുകി ഒന്നും മിണ്ടാതെ മുന്നോട്ട് നടക്കുകയാണ് …

“ഇനി ഇപ്പൊ എന്ത് ചെയ്യും മോളേ” ?അവളുമാരുടെ കളിയാക്കൽ ഇന്നും നല്ലോണം കേൾക്കേണ്ടി വരും .അഞ്ജു വിഷമത്തോടെ വാസുകിയോടായി ചോദിച്ചു …

“എന്ത് ചെയ്യാൻ ?മൊബൈലിൽ ഫോട്ടോ ഇല്ലേ, അതെടുത്തങ്ങോട്ട് കാണിക്കണം …ആളെ കണ്ടാൽ പോരെ …വരാത്ത സ്ഥിതിക്ക് ഇനി ഇപ്പോ അതേ ഉള്ളൂ വഴി .”..

നീ ഒന്നു മിണ്ടാതിരിക്ക് എന്റെ പൊന്നു ഗീതു …അഞ്ജന അവളെ ശാസിച്ചു ..

മോളേ ,നീ എന്താ ഒന്നും പറയാത്തത് ?അഞ്ജു വാസുകിയോടായി ചോദിച്ചു ..അവിടെ നിന്നും യാതൊരു പ്രതികരണവും ഉണ്ടായില്ല ..

“ഡീ “….ഗീതു അവളെ കുലുക്കി വിളിച്ചു ..

വാസുകി ചിന്തകളിൽ നിന്നും ഞെട്ടി ഉണർന്നത് പോലെ അവരെ മാറി മാറി നോക്കി …അവളുടെ കണ്ണുകൾ നിറഞ്ഞു വരുന്നുണ്ടായിരുന്നു …