ഹൃദയരാഗം 20 [Achu Siva] 705

സ്റ്റെപ് കയറി മുകളിൽ എത്താറായപ്പോഴേക്കും വിനയ്ക്ക് ഒരു കോൾ വന്നു …അയാൾ അത് അറ്റൻഡ് ചയ്തു സംസാരിച്ചു കൊണ്ടു അവിടെ തന്നെ നിന്നു …

“ഈശോയെ  തല “…

ടീനയുടെ വാൽ പ്രിയ വിനയ്നെ നോക്കി പറഞ്ഞു ..

“തലയോ ?നിനക്കും പകർന്നോ അവളുടെ തലകറക്കം .വയ്യെങ്കിൽ ഇതിനെ ഒന്നും കാണാൻ നിൽക്കാതെ വീട്ടിൽ പോകാൻ നോക്കെടി ..”.ടീന ഇത് കേട്ട് അവളോട്‌ കയർത്തു ..

“ഛെ ,അതല്ലെടി കണ്ടില്ലേ നീയ്യ് ,പുള്ളിയെ കാണാൻ ആക്ടർ അജിത് കുമാറിനെ പോലെ തന്നെ ഇല്ലേ …അതേ ലുക്ക്‌ ,അതേ സ്‌മൈൽ ,അതേ നടത്തം ,അതേ ഹെയർ സ്റ്റൈൽ …ആഹാ ശെരികും അതേപോലെ …കിടു ആയിട്ടുണ്ട് അല്ലേടി ..

പ്രിയ പറഞ്ഞ കാര്യങ്ങൾ അതേപോലെ അവൾക്കും തോന്നിയെങ്കിലും അത് സമ്മതിച്ചു കൊടുക്കാൻ അവൾ തയ്യാറായില്ല …

“പിന്നെ ,  ഒന്നു പോയിനേടി ..നിനക്കൊന്നും കണ്ണില്ലേ ?സാൾട്ട് ആൻഡ് പെപ്പർ ലുക്ക്‌ ഉണ്ടെന്നു കരുതി അജിത് കുമാർ ആവില്ല”
ഛെ ,ഏജ് ഡിഫറെൻസ് ഉണ്ടെന്നു പറഞ്ഞപ്പോ ഞാൻ ഇത്രയും പ്രതീക്ഷിച്ചില്ല .

ഡീ പ്രിയേ നീ വാസുകിയെം അങ്ങേരേം കൂടെ ഒന്നു നോക്കിക്കോ ..അങ്ങോട്ട് മെന ആകണില്ലല്ലോ ..എന്തോ ഒരു വശ പിശക് ഇല്ലേ ?