ഹൃദയരാഗം 20 [Achu Siva] 705

“ദേ ഗീതു നിന്റെ ആ വായ പൂട്ടി അവിടെ മിണ്ടാതിരുന്നോ .അല്ലെങ്കിൽ ഈ വെള്ളം ഞാൻ എടുത്ത് നിന്റെ തലയിൽ കൂടി ഒഴിക്കും .പറഞ്ഞില്ലെന്നു വേണ്ട  .”വാസുകി ടേബിളിൽ ഇരുന്ന ഗ്ലാസിലെ വെള്ളം കൈയിൽ എടുത്ത് പിടിച്ചു കൊണ്ടു പറഞ്ഞു ..

ഗീതു പിന്നെ ഒരക്ഷരം മിണ്ടിയില്ല …പിന്നെ അവളുടെ നാവിനു കംപ്ലീറ്റ് റസ്റ്റ്‌ ആയിരുന്നു ..

ആ മൊശകോടന്റെ അടുത്തു ഞാൻ കിടന്നു ചക്രശ്വാസം വലിക്കുവാണെന്ന് ഇവളുമാരോട് ഞാൻ എങ്ങനെ പറയും എന്റെ മഹാദേവാ …വാസുകി താടിക്ക് കൈയും കൊടുത്തിരുന്നു ചിന്തിച്ചു …

==== ===== ======= ====== ===== ===

ക്യാന്റീനിൽ നിന്നിറങ്ങിയ വാസുകിയും കൂട്ടരും ആൽത്തറയിൽ ചെന്നിരുന്നു വിനയ്നെ വെയിറ്റ് ചെയ്തു …

വാസുകി ടെൻഷനോടെ നഖം കടിച്ചു കൊണ്ടിരുന്നു …ഇത് കണ്ട അഞ്ജു അവളുടെ കൈക്കിട്ടു ഒരു തട്ട് കൊടുത്തു ..

നിന്നോട് ഞങ്ങൾ അപ്പഴേ പറഞ്ഞതല്ലേ വിശക്കുന്നെങ്കിൽ വല്ലതും വാങ്ങി കഴിക്കാൻ   അല്ലാതെ ഇതിരുന്നു തിന്നുന്നതെന്തിനാ ..

“പോടീ ,അതല്ല എനിക്ക് എന്തോ ഉള്ളിൽ വല്ലാത്ത ഒരു പേടി …എന്റെ ഈ തലകറക്കം അഭിനയമാണെന്ന് വല്ലതും വിനയേട്ടൻ അറിഞ്ഞാൽ പിന്നെ എന്റെ കാര്യം വളരെ പരിതാപകരമായിരിക്കും മക്കളേ ,ഇപ്പോ ഞാൻ ഇത്രയും ഡീസെന്റ് ആയിട്ട് പോലും എന്നെ മൈൻഡ് ചെയ്യണില്ല  .അപ്പൊ ഇങ്ങോട്ട് വരുത്താൻ ഞാൻ പറ്റിച്ച പണി ആണെന്ന്  വെല്ലോം അറിഞ്ഞാൽ ഹോ ആ ഡയലോഗുകൾ കേട്ടെന്റെ ചെവി പുകയും” …

“ഡീ ഏതായാലും നനഞ്ഞിറങ്ങി ഇനി കുളിച്ചു കയറാം .”..നീ ഇങ്ങനെ വെപ്രാളപ്പെടാതെ ..ഗീതു അവളുടെ തോളിൽ പിടിച്ചു സമാധാനിപ്പിച്ചു …

അത് ഞാൻ തീരുമാനിച്ചു കഴിഞ്ഞു .പിന്നെ ഇത് മാത്രമല്ലെടി മറ്റു ചില കാര്യങ്ങൾ കൂടി കുറച്ചു ദിവസമായി എന്റെ മനസ്സിൽ കിടന്നു പുകയുന്നുണ്ട് …