ഹൃദയരാഗം 20 [Achu Siva] 705

“ഇനി എന്റെ കടുവേട്ടന്റെ  എൻട്രി ആണ് മോളേ ,പൊളിക്കും ഞാൻ …നമുക്ക് പോവാം” വാസുകി അതിയായ ആവേശത്തിൽ പറഞ്ഞിട്ട് മുന്നോട്ട് സ്പീഡിൽ നടന്നു പോയി ..

“ഉയ്യോ ഈ പെണ്ണ് ,ഡീ അവിടെ നിൽക്കാൻ “…അഞ്ചു പുറകെ ഓടി ചെന്നു അവളെ പിടിച്ചു നിർത്തി ..

“എന്നാടി ?”വാസു അത് ഇഷ്ടപെടാത്ത പോലെ അഞ്ചുനോട് ചോദിച്ചു ..

നീ ഇത് എന്ത് ഭാവിച്ചാ …എങ്ങോട്ടാ ഈ ചാടി തുള്ളി പോണേ ..അവശതയോടു കൂടി പോ ശവമേ ..

“എന്റെ പൊന്നു മോളെ  വിനയേട്ടൻ വരാൻ പോണ ത്രില്ലിൽ ഞാൻ അതങ്ങു മറന്നു …എവിടെ നിന്റെ തോൾ? ..എന്നെ താങ്ങിക്കൊ “…വാസുകി അഞ്ജനയുടെ തോളിലേക്ക് ചാഞ്ഞു ..

“ഹമ്മോ ,,,കാണുന്ന പോലല്ല നല്ല വെയിറ്റ് ഉണ്ടല്ലോ ..അധികം അങ്ങോട്ട് അമർത്തണ്ട ..ഹും “…അഞ്ചു വാസുകിയെ കളിയാക്കി …

“കണ്ണ് വെയ്ക്കാതെ പെണ്ണുമ്പിള്ളേ” ..

രണ്ടും കൂടെ നേരെ ക്യാന്റീനിലേക്ക് വിട്ടു …

====== ====== ====== ====== ===== ===

അവർ രണ്ടു പേരും കൂടി ക്യാന്റീനിൽ ചെന്നിരുന്നു …പെട്ടന്ന് തന്നെ ഗീതുവും തിരികെ വന്നു ..

“നിങ്ങൾക്ക് ലഞ്ച് കഴിക്കണ്ടേ” ? വാസു അവരോടു രണ്ടു പേരോടുമായി തിരക്കി ..

“വേണമല്ലോ … .എന്നാപ്പിന്നെ ഇന്ന് നമുക്ക്  ഇവിടുന്നങ്ങു തട്ടിയാലോ ?”…ഗീതു മറുപടി പറഞ്ഞു ..

“ഹേയ് അതൊന്നും വേണ്ട ,നിങ്ങള് കഴിച്ചോ ..എനിക്കൊരു കോഫി മതി ..ഇനി വിനയേട്ടന്റെ കൂടല്ലാതെ ഇന്ന് ഞാൻ ഒരു വറ്റ് ഇറക്കില്ല .അതെന്റെ വാശിയാ .അതോണ്ടാ ഞാൻ രാവിലെയും ഒന്നും കഴിക്കാതെ നേരെ ഇങ് പോന്നത്” .