മാന്ത്രികലോകം 10 [Cyril] 2190

ഉത്ഭവത്തെ കുറിച്ച് അറിയുകയും അതിന്റെ ആത്മ ശക്തിയുടെ അംശം എനിക്ക് പകര്‍ന്നു തരുകയും ചെയ്തു.

അൽദീയ യുടെ രക്തത്തില്‍ നിന്നും ശക്തിയില്‍ നിന്നുമാണ് എന്റെ ഉത്ഭവം എങ്കിലും പിന്നീട് ഷൈദ്രസ്തൈന്യ യുടെ രക്തവും സത്തയും സ്വീകരിച്ചാണ് അവരുടെ ഉദരത്തിൽ ഞാൻ വളര്‍ന്നത്… അതുകൊണ്ട് അവരും എന്റെ അമ്മയായി മാറുകയായിരുന്നു.

പിന്നേ ഷൈദ്രസ്തൈന്യ യുടെ വയറ്റിൽ ഉണ്ടായിരുന്ന എന്റെ ആത്മാവിന് ഉയർന്ന അളവിലുള്ള നശീകരണ ശക്തി ഉള്ളത് അറിയാൻ കഴിഞ്ഞ റീനസിന്റെ ശക്തി, എന്റെ ആത്മാവില്‍ നിന്നും നശീകരണ ശക്തിയെ റീനസിന്റെ ഉള്ളിലേക്ക് കുറേശ്ശെയായി സ്വീകരിച്ച് എന്നെ സാധാരണ നിലയിലേക്ക് മാറ്റുകയായിരുന്നു… എന്നില്‍ നിന്നും നശീകരണ ശക്തിയെ റീനസ് ചോര്‍ത്തുമ്പോൾ റീനസ് തന്റെ സ്വന്തം ശക്തിയുടെ സത്തയിൽ നിന്നും എനിക്ക് റീനസിന്റെ ശക്തിയെ പകര്‍ന്നു തരുന്നുണ്ടായിരുന്നു…. ഒരു പിതാവിൽ നിന്നും ലഭിക്കേണ്ട ശക്തിയാണ് അതുമൂലം എനിക്ക് ലഭിച്ചു കൊണ്ടിരുന്നത്…. ഒപ്പം റീനസിന്റെ ആത്മാവില്‍ നിഷ്‌ക്രിയാവസ്ഥയിൽ ആയിരുന്ന കൈറോൺന്റെ ശക്തിയും എന്നിലേക്ക് പടർന്നു.

ദൈവങ്ങളേക്കാളും മാന്ത്രികരേക്കാളും പ്രകൃതി സൃഷ്ടിച്ച മാന്ത്രിക പക്ഷികൾക്കും മൃഗങ്ങള്‍ക്കും പ്രകൃതി സ്വന്തമായി സൃഷ്ടിച്ച സൃഷ്ടികളെ തിരിച്ചറിയാനുള്ള ഉയർന്ന തരത്തിലുള്ള തിരിച്ചറിവ്‌ ശക്തി ഉള്ളത് കൊണ്ടാണ് ആ ശക്തികള്‍ക്ക് ഞാൻ ആരാണെന്ന് തിരിച്ചറിയാൻ കഴിഞ്ഞത്… ഒരുപക്ഷേ ഒഷേദ്രസിന് ഞാൻ ആരാണെന്ന് അറിയാമായിരിക്കാം…. പക്ഷേ അറിയാത്ത പോലെ അഭിനയിക്കുന്നു എന്നാണ് എന്റെ സംശയം.

എന്തുതന്നെയായാലും പ്രകൃതിയുടെയും പ്രകൃതി കഴിഞ്ഞാൽ ഈ പ്രപഞ്ചത്തിലെ ഏറ്റവും ശക്തയായ അൽദീയ യുടെയും പുത്രനായ എനിക്ക് ഇതുവരെ ഒഷേദ്രസിന്റെ അത്രയും ശക്തി പോലും നേടാൻ കഴിഞ്ഞില്ല എന്നത് എന്നെ ചിന്തിപ്പിച്ചു — ഒരുപക്ഷേ എന്റെ ഉത്ഭവവും വളര്‍ച്ചയും രണ്ടു അമ്മമാരിൽ നിന്നായത് കൊണ്ടാവും — ചിലപ്പോ മൂന്ന് മാസമായി റീനസ് എന്റെ ആത്മാവില്‍ നിന്നും നശീകരണ ശക്തിയെ അകറ്റി കൊണ്ടിരുന്നത് കൊണ്ടും ആവാം എനിക്ക് ഇത്ര ശക്തി മാത്രം ഉള്ളതു.

ഇനിയുള്ള മാര്‍ഗ്ഗം, എന്റെ നിഗൂഢ ശക്തിയില്‍ നിന്നും തിരിച്ചറിവ്‌ നേടി എന്റെ ശക്തിയെ വര്‍ധിപ്പിക്കുക എന്നതാണ്… പക്ഷേ ഒഷേദ്രസും അതുതന്നെ ആണല്ലോ എന്നെക്കാളും വേഗത്തില്‍ ചെയ്തുകൊണ്ടിരിക്കുന്നത്..!!

ഒഷേദ്രസ് ഉണരുമ്പോള്‍ ആ ശക്തനായ ശത്രുവിനെ നേരിടാന്‍ ഞാൻ തയ്യാറായി കഴിഞ്ഞിട്ടുണ്ടാവുമോ…!? ഒരിക്കലും ഇല്ല.

എന്തായാലും അതിനെ കുറിച്ച് കൂടുതൽ ചിന്തിക്കാൻ ഞാൻ തുനിഞ്ഞില്ല….

ആദ്യം റീനസിനെ മോചിപ്പിക്കണം… റീനസ് മലാഹിയുടെ ലോകത്താണ് ഒഷേദ്രസിന്റെ മാന്ത്രിക തടവറയില്‍ ഉള്ളത്….

ആത്മ സഞ്ചാരം നടത്തി ഞാൻ ആ ലോകം സന്ദര്‍ശിച്ചു…. ആ ലോകത്ത് അപ്പോൾ മലാഹി ഇല്ലായിരുന്നു… മലാഹിയുടെ ലക്ഷകണക്കിനുള്ള മാന്ത്രിക യോദ്ധാക്കളോ പ്രതിമ പടയാളികളോ അവിടെ ഇല്ലായിരുന്നു.

എന്റെ ആത്മാവ് തിരികെ എന്റെ ശരീരത്തിൽ പ്രവേശിച്ചു…. എന്റെ നെറ്റി ചുരുങ്ങി.

എന്തുകൊണ്ട് മലാഹിയുടെ ലോകത്ത് ഒറ്റ ജീവികള്‍ പോലുമില്ല…? എല്ലാവരും എവിടെയാണ് പോയത്…? സംശയത്തോടെ ഞാൻ എന്റെ തല പുകച്ചു.

പക്ഷേ കൂടുതൽ ചിന്തിക്കാനുള്ള സമയം അല്ല ഇപ്പോൾ. ആത്മ സഞ്ചാരം നടത്തിയ എനിക്ക് ഇപ്പോൾ ആ ലോകം സുപരിചിതമായി മാറിയിരുന്നു… അതുകൊണ്ട്‌ ആ ലോകത്ത് ഞാൻ പ്രത്യക്ഷപ്പെട്ടു.