താമര മോതിരം ഭാഗം-14 [Dragon] 279

എന്നൊക്കെ ആ പൂ മൊട്ടിനോട്  സംസാരിക്കുന്നുണ്ടായിരുന്നു കാർത്തു

ശേഷം ആ കുടം തീർന്ന ജലം നിറച്ചു വീണ്ടും മേശയുടെ മേൽ കൊണ്ട് വച്ച് – കട്ടിലിൽ വന്നു കിടന്നു , കുറെ നേരം ആ കുടത്തിലെ താമര മൊട്ടിനെയും  നോക്കി കിടന്നു എപ്പോഴോ ഉറങ്ങി പോയി.

രാത്രിയിൽ  എപ്പോഴോ തന്റെ ചുണ്ടിൽ എന്തോ മധുരമുള്ള വസ്തു തട്ടി നിൽക്കുന്നത് പോലെ തോന്നിയപ്പോൾ ആണ് കാർത്തു കണ്ണ് തുറന്നതു ,

താൻ ഇപ്പോൾ പുഴക്കരയിൽ ആണ് നിൽക്കുന്നത് – അല്ല കിടക്കുന്നതു , ആരുടെയോ മടിയിൽ തല വച്ച് കിടക്കുന്നു.

അതെ ഇന്നലെ കണ്ട ആ യുവാവിന്റെ മടിയിൽ തല വച്ച് കിടന്നു അവന്റെ സ്നേഹ ചുംബനം ചുണ്ടിൽ ഏറ്റു  വാങ്ങുന്നു താൻ.

കാർത്തുവിന് അതിയായ സന്തോഷം തോന്നി ,മനസ്സു കോരി തരിച്ചു – ഇന്നലെ വരാതിരുന്നതിന്റെ പരിഭവം എന്നോണം അവൾ  തന്റെ മുഖം വക്രിച്ചു പിടിച്ചു

അവളുടെ പരിഭവം തീർക്കാൻ എന്നോണം – അവളുടെ അതിമനോഹരമായ മുഖം തന്റെ കൈകുമ്പിളിൽ എടുത്തു ആ  നെറ്റിയിൽ ചുംബനം കൊടുത്ത ശേഷം മൂക്കിലും കണ്ണിലും മാറി മാറി ചുംബിച്ചു

അപ്പോഴേക്കും അവളുടെ മനസ്സിൽ നാമമാത്രമായി ഉണ്ടായിരുന്ന പരിഭവം എങ്ങോ പോയി ഒളിച്ചു – അവൾ അവനെ മുറുകെ പിടിച്ചു .

അവൾ അവനോടു ചോദിച്ചു ” ആണ് ആരാണ് , എന്തിനാ എനിക്ക് ഇങ്ങനെ പ്രതീക്ഷ നൽകുന്നത് ? ഞാൻ ഒരു പാവപെട്ട വീട്ടിലെ കുട്ടിയല്ലേ ? അച്ഛൻ ഇല്ലാതെ വളർന്ന കുട്ടി ? അത്രേം പറഞ്ഞപ്പോഴേക്കും അവൾ കരഞ്ഞിരുന്നു

അവളുടെ മനസിൽ അവന്റെ സ്ഥാനം വളരെ വലുതായി മാറിയിരുന്നു. അവനെ നഷ്ടപ്പെടുന്നത് അവൾക്കു ചിന്തിക്കാൻപോലും ആകാത്ത വിധം.