താമര മോതിരം ഭാഗം-14 [Dragon] 279

മുഴുവൻ പ്രതിഷ്ടയ്ക്കും അതിന്റെ വലുപ്പത്തിനു അനുസരിച്ചു ആനുപാതികമായ കണക്കുകൾ ഓരോ വശത്തേക്കും ഉണ്ട്

നാല് കൈകളിലും വെട്ടിയെടുത്ത തലകൾ ആണ് ഉണ്ടാകേണ്ടത് – ആ തലയുടെ കണ്ണുകൾ തുറന്നുതന്നെ ഉണ്ടാകണം ,വായ പേടിച്ചു നിലവിളിക്കുന്ന തരത്തിൽ തന്നെ ഉണ്ടാകണം

അങ്ങനെ ഓരോ മുക്കിലും മൂലയിലും കണക്കുകളാൽ നിറഞ്ഞ തരത്തിൽ ഉള്ള അതി അമൂല്യ പ്രതിഷ്ടകളിൽ ഒന്നായിരിക്കും അത്

അതിന്റെ കണക്കുകൾ  അണുവിട പിഴച്ചാൽ – ആ വിഹ്രഹം ആദ്യ പൂജ ഏറ്റു  വാങ്ങുന്ന വേളയിൽ അതിന്റെ ശില്പി ഹൃദയം പൊട്ടി രക്തം തുപ്പി ചാകും.

കൂടെ  ആ  വിഗ്രഹത്തിന്റെ തലയും പൊട്ടി ഛിന്നഭിന്നമാകും.

തീവാരി സമുദായത്തിൽ പെട്ട മുതിർന്ന ആളുകൾക്ക് ഈ വിഗ്രഹത്തിന്റെ കണക്കുകൾ ഒക്കെ മനഃപാഠം ആയിരുന്നു – അവർ അത് വരും തലമുറയ്ക്ക് കൈമാറ്റം ചെയ്തു  എങ്കിലും ഇപ്പോൾ വളരെ കുറച്ച പേർക്ക് മാത്രമേ ഇതിനെ കുറിച്ച അറിയുന്നുണ്ടാകുകയുള്ളു.

എത്ര വലിയ പ്രഗത്ഭൻ ആണെങ്കിലും അറിയാതെ ചെറിയ തെറ്റുകൾ ഉണ്ടായാൽ പോലും മരണം നിച്ഛയം ആണ്.

ആ വലിയ ചുവന്ന തുണി മാറ്റിയ മന്ത്രവാദി – തന്റെ കയ്യിൽ ഉണ്ടായിരുന്ന തലയോട്ടിയിൽ നിറച്ച ദ്രാവകം ആ പ്രതിഷ്ടയുടെ മുഖത്തേക്ക് ഒഴിച്ച് ഉച്ചത്തിൽ അലറി വിളിച്ചു

” ഓം ക്ലിം ക്രീം ചാമുണ്ഡയെ അർപ്പിത കാരിം വർധിതയെ നമഹ:”

അതെ സമയം ആ നിലവറയുടെ അടിയിൽ ആ അതി ഘോര ജീവിയുടെ കൂട്ടിന്റെ അടുത്തായുള്ള മറ്റൊരു മുറിയിൽ ഉച്ചത്തിലുള്ള ഒരു നിലവിളി  ഉയർന്നു കേട്ടു –

തന്റെ തല പൊട്ടി പോകുമോ എന്ന ഭയത്താൽ ഒരു വൃദ്ധൻ വിളിച്ചത് ആയിരുന്നു അത് – ഒരു തീവാരി സമുദായത്തിൽ പെട്ട പാവം വൃദ്ധൻ – പതിനഞ്ചു വർഷത്തോളമായി ആ കൂട്ടിൽ അകപ്പെട്ട ഒരു വൃദ്ധൻ

കഴിഞ്ഞ നാല് വര്ഷം കൊണ്ട് പണി കഴിപ്പിച്ച വിഗ്രഹത്തിന്റെ ആദ്യ പൂജ നടക്കുന്നതിന്റെ വിവരം അറിഞ്ഞിരുന്നു ആ വൃദ്ധൻ- ആ സമയം ആയപ്പോൾ ആണ് പേടി കൊണ്ട് നിലവിളിച്ചതു