താമര മോതിരം ഭാഗം-14 [Dragon] 279

പെട്ടെന്ന് കാർത്തി യുടെ ഉപബോധ മനസ് ഉണർന്നു – ആരാണ് ഇയാൾ ? എന്നെ ഉമ്മവയ്ക്കുന്ന അയാളെ തനിക്കു അറിയുകപോലും ഇല്ല ?

ആ യുവാവിനെ തള്ളി മാറ്റി അവൾ തിരിഞ്ഞു വീട്ടിലേക്കു ഓടി.

ഓടുന്ന വഴി അവൾ തിരിഞ്ഞു നോക്കി ” അവിടെ അവളെ തന്നെ നോക്കി കൊണ്ട് ഹൃദയം കീഴടക്കുന്ന പാൽ പുഞ്ചിരി വിതറികൊണ്ട് ആ മരത്തിന്റെ ചുവട്ടിൽ തന്നെ നിൽക്കുന്നു തേജ്വസിയായ ആ യുവാവ്

പെട്ടെന്ന് മുന്നിൽ ഉണ്ടായിരുന്ന കല്ലിൽ തട്ടി കാർത്തു വീണു. മുഖം മുന്നിൽ കൂട്ടിയിട്ടിരുന്ന പുല്ലിലേക്കു പൂഴ്ത്തി അവൾ വീണു , പെട്ടെന്ന് കണ്ണ് തിരുമി എണീറ്റ അവൾക്കു  ഒന്നും തന്നെ കാണാൻ സാധിച്ചില്ല ,ചുറ്റും  ഇരുട്ട് മാത്രം , നിലാവും ഇല്ല , ചന്ദ്രനും ഇല്ല , പുകയും ഇല്ല തണുപ്പും ഇല്ല യുവാവും ഇല്ല പുഴയും ഇല്ല .

താൻ തന്റെ വീട്ടിൽ തെന്റെ കട്ടിലിൽ നിന്നും താഴെ വീണിരിക്കുന്നു ,

അവൾ എണീറ്റിരുന്നു വിളിക്കു കത്തിച്ചു വയ്ച്ചു , പിന്നീട ചുറ്റും നോക്കി ആ മുറിയിൽ ആരും ഇല്ലെന്നു ഉറപ്പിച്ചു, ശേഷം നടന്ന കാര്യങ്ങളൊക്കെഒന്ന്  ആലോചിച്ചു –

അപ്പോഴും അവളുടെ ചുണ്ടിൽ അവൻ കൊടുത്ത സമ്മാനം തത്തി  കളിക്കുന്നുണ്ടായിരുന്നു – അതിന്റെ മധുരം അവളെ വീണ്ടും ഭയപ്പെടുത്തി

അവൾ മേശയുടെ മുകളിൽ ഇരുന്ന കുടത്തിനെ നോക്കി , ആ കുടവും അതിലെ പൂവും അവിടെ തന്നെ ഉണ്ടായിരുന്നു.ഇപ്പോൾ അതിൽ നിന്നും പ്രകാശം ഒന്നും തന്നെ വരുന്നില്ല

ഇത് ഒരു സ്വപ്നം മാത്രം ആണെന്ന് അവൾക്കു വിശ്വസിക്കാൻ ആയില്ല , പേടിച്ചു പോയിരുന്നു കാർത്തു – എന്നാലും താൻ കണ്ട ഇപ്പോൾ മുഖം തിരിച്ചടിയാണ് അല്ലെങ്കിൽ ഓര്മിച്ചെടുക്കാൻ സാധിക്കാത്ത ആ യുവാവിനെ അവൾ ആലോചിച്ചു നിന്നു ,

അവൾ അറിയാതെ അവൻ കെട്ടി പിടിച്ച അവളുടെ ശരീരത്തിലേക്കു കൈകൾ കൊണ്ട് തടവി – ഞെട്ടി തരിച്ചു അവൾ അവളുടെ വസ്ത്രത്തിലേക്കു നോക്കി