താമര മോതിരം ഭാഗം-14 [Dragon] 279

വർധിച്ച സന്തോഷത്തോടെയും ആത്മവിശ്വാസത്തോടെയും ആ മന്ത്രവാദി ആ പ്രതിഷ്ടയുടെ ചുവട്ടിൽ ഇരുന്നു മറ്റു പൂജകളിലേക്കു കടന്നു.

അപ്പുറത്തു അതിഘോരൻ -രാവണബലി അതിന്റെ പരതമ്യത്തിലേക്കു എത്തിക്കുകയാണ്

തുടർച്ചയായ ഹോമങ്ങളുടെ ചൂടും തീയുടെ കാഠിന്യവും കാരണം ആ കുഴിയുടെ മുകളിൽ നിർത്തിയിരുന്ന കാഞ്ഞിര പലകകൾ ഹോമകുണ്ഡത്തിന്റെ അതെ വലുപ്പത്തിൽ കത്തി കുഴിയിലേക്ക് അമർന്നു

അകത്തു കിടക്കുന്ന പെൺകുട്ടിടെ ബോധം കുറെ മുന്നേ തന്നെ പോയിരുന്നു – ചൂടും പുകയും കൊണ്ട് ഏകദേശം മൃതപ്രായമായി മാറിയിരുന്നു

അതിഘോരന്റെ നിർദേശപ്രകാരം ആ കുഴിയുടെ ഒരു വശത്തു ഉണ്ടായിരുന്ന പലക നീക്കി ഒരു ശിഷ്യൻ അകത്തേക്ക് ഇറങ്ങി ശേഷം ആ ഹോമകുണ്ഡത്തിൻറെ ചൂട് കൊണ്ട് കത്തി താഴേക്ക് ഉണ്ടായ പലകയുടെ വിടവിലൂടെ ആ പെൺകുട്ടിയെ മുകളിലേക്ക് വലിച്ചെടുക്കാൻ പാകത്തിൽ തിരുകി വച്ച് മുകളിലേക്ക് കയറി

തിരികെ ആ കുട്ടി താഴേക്ക്  വീണു പോകാതിരിക്കാൻ അവളുടെ തലയുടെ ഒരു വശവും ഒരു കയ്യും ഹോമകുണ്ഡത്തിന്റെ മുകളിലേക്ക് വരുന്ന വിധം കയറ്റി വച്ചിരുന്നു

അതിഘോരൻ പൂജയുടെ പാരതമ്യത്തിൽ അടുത്ത് വച്ചിരുന്ന ചുവന്ന ദ്രാവകം നിറഞ്ഞ ആ തലയോട്ടി കുട്ടിയുടെ തലയിലേക്ക് കമഴ്ത്തി.

തലയിലൂടെ വീണ ആ ദ്രാവകം – നഗ്നമായ അവളുടെ ശരീരത്തിലൂടെ  ഒഴുകി അതിവേഗം തന്നെ അടിയിൽ ഹോമകുണ്ഡത്തിൽ നിന്നും വീണു കുഴിയിൽ ഏകദേശം അണയാറായി  കിടന്ന തീ കനലിലേക്ക് ഒഴുകി ഇറങ്ങി.

അണഞ്ഞു തുടങ്ങിയിരുന്ന ആ കനലുകളിൽ പുതു ജീവൻ കിട്ടിയെന്നോണം മുന്നിൽ കിട്ടുന്ന എന്തിനെയും കത്തിച്ചു ചാമ്പലാക്കുവാനെന്നോണം അത് മുകളിലേക്ക് കത്തി തുടങ്ങാൻ തുടങ്ങി.