താമര മോതിരം ഭാഗം-14 [Dragon] 279

ആ നാല് വയസുകാരൻ കണ്ടത് മുറ്റത്തു അപ്പുറത്തെ വീട്ടിലെ കരച്ചിൽ കേട്ട് അങ്ങോട്ടേക്ക് നോക്കി നിൽക്കുന്ന അമ്മയെ ആണ്.

“അമ്മെ ” എന്ന ഉറക്കെ വിളിച്ചു …....

ആ വിളി കേട്ട് തിരിഞ്ഞു നോക്കിയാ അമ്മയുടെ മുഖം കണ്ടു ആ കുട്ടി പേടിച്ചു നിലവിളിച്ചു

അമ്മയുടെ കണ്ണിൽ നിന്നും മൂക്കിൽ നിന്നും ചെവിയിൽ നിന്നും ചോര ഒഴുകുന്നുണ്ട്,

ഇന്നലെ രാത്രി കൂടി താൻ ഉമ്മ കൊണ്ട് മൂടിയ ആ നെറ്റിയിലെയും കവിളിലെയും വെളുത്ത മുഖത്തിന്  പകരം കറുത്ത് കരുവാളിച്ചു രക്തം പൊടിയുന്ന വികൃതമായ മുഖവും

തന്നെ സ്നേഹത്തിന്റെയും മാതൃവാത്സല്യത്തിന്റെയും ഉമ്മകൾ കൊണ്ട് താനെ ശരീരമാകെ ഇക്കിളിയിട്ട അമ്മയുടെ ചുണ്ടുകളിൽ കൂടി രക്തം ഒഴുകുന്നു.

പേടിച്ചു വിറച്ചാണ് ആ നാലുവയസുകാരൻ നിലവിളിച്ചതു.

തന്റെ മുന്നിൽ കാണുന്നത് തന്റെ ‘അമ്മ തന്നെ ആണോ എന്ന് അവനു ഇപ്പോൾ സംശയം ആയിരിക്കുന്നു.

എന്നാൽ പ്രാണൻ പോകുന്ന വേദനയിലും രണ്ടു കൈകളും വിടർത്തി തറയിലേക്ക് ഇരുന്നു തന്റെ മകനെ മാറോടു അണയാൻ വെമ്പൽ കൊള്ളുന്ന ആ മാതൃ -ഹൃദയം മകനെ അടുത്തേക്ക് വിളിച്ചു

“അമ്മയുടെ ചക്കര കുട്ടൻ വാടാ “

എന്നാൽ അമ്മയുടെ ഭീകരമായ മുഖം കണ്ടു പേടിച്ചു തിരികെ പോകാൻ തുടങ്ങിയ ആ മകനെ കണ്ടു – ആ മാതൃ -ഹൃദയം വേദനിച്ചു.

വേദനയോടെ മനസിലായി ആ അമ്മയ്ക്ക്  തനിക്കും അടുത്ത വീട്ടിലെ സ്ത്രീ അനുഭവിച്ചത് പോലെ ഉള്ള മരണം അടുത്തിരിക്കുന്നു

അവളുടെ കണ്ണിലും വായിലും മൂക്കിലും ഒഴുകിയ  പോലെ രക്തം എന്നിലൂടെയും ഒഴുകാൻ തുടങ്ങിയിരിക്കുന്നു