താമര മോതിരം ഭാഗം-14 [Dragon] 279

അവിടെങ്ങും പച്ച മാംസം കത്തുന്ന ഗന്ധം നിറഞ്ഞു നിന്നു.

ആ പെൺകുട്ടി അതി ഭയങ്കര ശബ്ദത്തിൽ കരയുകയും -എണീക്കാൻ  ശ്രമിക്കുകയും ചെയ്യുന്നണ്ട്.-

എന്നാൽ അതിനുള്ള ശക്തി ആ ശരീരത്തിന് ഇല്ല എന്ന് ആ കുട്ടിക്ക് മനസിലായില്ല.

ഏകദേശം മിക്ക ഭാഗവും കത്തിയ ശരീരവുമായി ആ പെൺകുട്ടി അലറി വിളിച്ചു കൊണ്ട് തന്നെ ചുറ്റും നോക്കി എവിടെ നിന്നാണ് തനിക്കൊരു സഹായം കിട്ടുക എന്ന അർത്ഥത്തിൽ

അതിഘോരന്റെ കൂടെ ഉണ്ടായിരുന്ന ശിഷ്യർ എല്ലാം ആകെ തരിച്ചു നിൽക്കുകയാണ് – പലതരത്തിലുള്ള ക്രിയകളും കർമങ്ങളും കണ്ടിട്ടുണ്ട് – ബലി പോലും നേരിട്ട് കണ്ടിട്ടുണ്ട് – എന്നാൽ ആദ്യമായാണ് ഇതുപോലെ ഇത്ര കഠിനമായ ബലി കർമ്മം കാണുന്നത്.

അതിഘോരന്റെ അവസ്ഥായും മറ്റൊന്നായിരുന്നില്ല – സാധാരണ രാവണബലിയുടെ അവസാനം കോഴിയെയോ ആടിനെയോ ആണ് ബലി കൊടുക്കാറ്.മനുഷ്യ  ബലിയും നടത്തിയിട്ടുണ്ട്

ആദ്യമായാണ് മനുഷ്യനെ ഇങ്ങനെ അഗ്നി ബലി നൽകുന്നത് – അതും ഒരു ചെറിയ പെൺകുട്ടിയെ അതിന്റെ കരച്ചിൽ തന്റെ ഏകഗ്രത നശിപ്പിക്കുന്നു എന്ന് പലപ്പോഴും തോന്നി അതിഘോരന്.

ഒരു നിമിഷം തന്റെ ശ്രദ്ധ മാറി പോയതായി തോന്നി അതിഘോരന്

ആ വലിയ പ്രതിഷ്ടയുടെ മുന്നിൽ ഇരുന്ന മന്ത്രവാദി അതി ഭയങ്കര ശബ്ദത്തിൽ വിളിച്ചു

“അതിഘോര “-

കർമ്മം ചെയ്യുമ്പോൾ അവിടെ കാരുണ്യത്തിനും പാവത്തിനും സ്ഥാനമില്ല – കർമ്മങ്ങൾ അതിന്റെ ശെരിയായ രീതിയിൽ പൂർത്തീകരിച്ചില്ലെങ്കിൽ അതിന്റെ പരിണിത ഫലം അനുഭവിക്കേണ്ടി വരുന്നത് കർമ്മിയുടെ വരും തലമുറകൾ കൂടി ആണെന്ന് മറന്നു പോയോ നീ

അത് കേട്ട അതിഘോരൻ – പെട്ടെന്ന് തന്നെ തന്റെ കണ്ണുകൾ ഇറുകെ അടച്ചു ശേഷം തുറന്നു – തുറന്ന ആ കണ്ണുകൾ തീഷ്ണതയോടു കൂടി എരിഞ്ഞു കത്താൻ  തുടങ്ങി.

ശേഷം തന്റെ വശത്തു ആയി വച്ചിരുന്ന സ്വർണ നിറമുള്ള വെട്ടിത്തിളങ്ങുന്ന വാൾ എടുത്തു – വാളിന്റെ തിളക്കത്തിൽ വിളക്കിന്റെ പ്രതിഭലനം ആ പെണ്കുട്ടിയുടെ  കണ്ണുകളിൽ തിളങ്ങി.