താമര മോതിരം ഭാഗം-14 [Dragon] 279

എന്റെ സഹോദരിയെ നിനക്ക് തരാൻ എനിക്ക് സമ്മതം മാത്രമേ ഉള്ളു

സഞ്ജു ;- നീ ഇത് എന്തറിഞ്ഞിട്ടാടാ പറയുന്നേ

കണ്ണൻ ;- ഉവ്വ , ഇന്നലെ തിരുമേനി അവളുടെ കല്യാണക്കാര്യം പറഞ്ഞപ്പോൾ നിന്റെ മുഖം ഞാൻ കണ്ടത് ആണെടാ മോനെ ,

നീ പറ ഞാൻ അവളോട് സംസാരിക്കട്ടെ – അവൾ നല്ല കുട്ടിയല്ലേ , നിനക്ക് ചേരും അവൾ.

സഞ്ജു :- അവളുടെ വിഷമം കണ്ടു സഹായിക്കാൻ പോയപ്പോൾ ഞാൻ കുറ്റക്കാരൻ ആയി അല്ലെ – നീ കുളിക്കു കുളിച്ചു കയറ്  അല്ലെങ്കിലേ തലയിൽ വെള്ളം താഴും –

ചരിച്ചു കൊണ്ട് സഞ്ജു വെള്ളത്തിലേക്ക് നീന്തി പോയി – തന്റെ മനസ്സിൽ ഉണ്ടായ  ചെറിയ മാറ്റം പോലും മനസിലായ കണ്ണനെ ഓർത്തു കൊണ്ട് –

സഞ്ജുവിന്റെ മനസ്സിൽ ഇങ്ങനെ ഒരു ആഗ്രഹം ഉണ്ടെങ്കിൽ അത് നടത്തി കൊടുക്കണം എന്നൊരു തീരുമാനം അപ്പോൾ തന്നെ എടുത്തിരുന്നു കണ്ണനും.

കുളിച്ചു കയറി തിരികെ തറവാട്ടിൽ എത്തിയപ്പോൾ ജാനകിയും തിരുമുല്പാടും കറുപ്പനും മുറ്റത്തു ആ മാവിന്റെ ചുവട്ടിൽ ഇരുന്നു സംസാരിക്കുന്നുണ്ടായിരുന്നു.

നിലവറയിലെ പൂജയാണ് വിഷയം – അവിടെ നിന്നെടുത്ത താളിയോലയിൽ നിന്ന് ചെയ്യേണ്ട കർമ്മങ്ങളെ പറ്റിയും ക്രിയകൾ പറ്റിയും വ്യക്തമായി പ്രതിപാദിച്ചിരുന്നു.

അതനുസരിച്ചു മുന്നോട്ടു പോകണം എന്നായിരുന്നു അവർ പദ്ധതിയിട്ടു തീരുമാനിച്ചത്.

എന്നാൽ ജാനകി ആ ഓല കെട്ടുകളിലൂടെ വായിച്ചു ഒരിടം  എത്തിയപ്പോൾ നിർത്തി – തിരുമുല്പാടിനെ നോക്കി

ആ ഭാഗത്തു ശങ്കരന്റെ ദശാവതാരത്തിന്റെ പൂജ് വേളകൾ   എല്ലാം തന്നെ ഇവിടെ പ്രതേക പൂജകൾ ചെയ്യണമെന്ന് വിവരിച്ചിട്ടുണ്ടായിരുന്നു – കൂടെ അതിന്റെ വിവരണങ്ങളും ഉണ്ടായിരുന്നു

ചോദ്യ ഭാവത്തിൽ നോക്കുന്ന ജാനകിയെ കണ്ടു , അപ്പോൾ തന്നെ അത് കേട്ട് നിന്ന കണ്ണൻ തിരുമുല്പാടിനോട് ചോദിച്ചു – ശങ്കരന്റെ ദശാവതാരമോ ?

വിഷ്ണു ഭഗവാനല്ലേ ദശാവതാരമുള്ളതു ശങ്കരൻ അതായത് ശിവന് ദശാവതാരമില്ലല്ലോ?