താമര മോതിരം ഭാഗം-14 [Dragon] 279

ദേവുവിന്റെ പിടി മുറുകി വന്നു – അല്പം ബലം  പ്രയോഗിച്ചു തന്നെ അവളെ തന്നിൽ നിന്നും അടർത്തി മാറ്റി കണ്ണൻ ,

വല്ലാത്തൊരു തരം നാണം കൊണ്ട് മുഖം മുഴുവൻ ചുവന്നു തുടുത്തു ദേവു  കണ്ണന്റെ മുഖത്ത് നോക്കാൻ ആകാതെ അവിടെ നിന്നും ഓടി പോയി.

അവൾ പോയി കഴിഞ്ഞു എന്നറിഞ്ഞപ്പോൾ – കണ്ണനോട് സഞ്ജു പറഞ്ഞു

കണ്ണാ എനിക്ക് നിന്നോട് പ്രധാനപ്പെട്ട ഒരു കാര്യം പറയാൻ ഉണ്ട്

കണ്ണൻ  : എന്താടാ

സഞ്ജു ;- നിന്റെ മനസ്സിൽ  ദേവു  എങ്ങനെ ആണ്, എന്ത് ആണ്,  എന്ന് എനിക്കറിയാം –

പക്ഷെ അവളുടെ മനസ്സിൽ എന്താജ് ആണ് എന്ന് നിനക്കറിയുമോ?

കണ്ണൻ;- കുളിക്കാനായി വെള്ളത്തിലേക്ക് ഇറങ്ങി കൊണ്ട് “അതെന്താ നീ അങ്ങനെ ചോദിച്ചത് ”

സഞ്ജു :- കൂടെ വെള്ളത്തിലേക്ക് ഇറങ്ങി ഒന്ന് മുങ്ങി എണിറ്റു – ശേഷം പറഞ്ഞു ; ഡാ അവളുടെ മനസ്സിൽ മറ്റേന്തോ ഉണ്ട് ,എനിക്കതു തോന്നാൻ തുടങ്ങിയിട്ട് കുറച്ചായി –

അന്ന് നീ അവളുടെ മുറിയിൽ ചെന്ന് സംസാരിച്ചതൊക്കെ അവളെ കുറിച്ചാണെന്നു കരുതി നടക്കുകയാണ് അവൾ

ഇന്നത്തെ ഈ പ്രകടനം കൂടി ആയപ്പോൾ ഞാൻ അത് ഉറപ്പിക്കുകയാണ്

കണ്ണൻ :- ഡാ അതുനിനക്കു വെറുതെ തോന്നിയതു ആകും

സഞ്ജു ;- തോന്നിയത് ആകണമേ എന്നാണ് ഞാൻ പ്രാർത്ഥിക്കുന്നത് – അല്ലെങ്കിൽ അവൾ വിഷമിക്കും അത് ഒരു പാവമാടാ

കണ്ണൻ :- ചിരിച്ചു കൊണ്ട്     എന്തോ?   ……. എങ്ങനെ?    ……….. അവൾ പാവം അല്ലെ , ഇവിടെ ഒരുത്തൻ കുറെ നാളായി എന്താണ് ചുറ്റും നടക്കുന്നത് എന്നറിയാതെ പ്രാന്ത് പിടിച്ചു നടക്കുന്നു .

അപ്പോൾ ആണ് അവനു അവളുടെ ഈ വിഷമത്തിന്റെ പരിഹാരം കണ്ടുപിടിക്കാൻ ഉത്കണ്ഠ

ഡാ മോനെ നിനക്ക് അവളോട് എന്തെങ്കിലും പറയാൻ ഉണ്ടെങ്കിൽ ആയിക്കോ – ഞാൻ അതിനു തടസം ആകില്ല