അപരാജിതൻ- 51 4698

തിരുവെങ്കിടാചലപതി അവിടെ നിന്നും തിരിഞ്ഞു.

പടയാളികൾ വീണ്ടും വണങ്ങി.

“ദിവസത്തിൽ ഒരു നേരം മാത്രം ആഹാരം നൽകിയാൽ മതി” അയാൾ കൽപ്പന നൽകി.

അവർ കൈകൾ കൂപ്പി ആ കൽപ്പന സ്വീകരിച്ചു.

അയാൾ അവിടെ നിന്നും നടന്നകന്നു.

ബുദ്ധഭിക്ഷു ബാലകന്മാർ അവിടെ നിന്നും എഴുന്നേറ്റു.

ഒരു തുണി നിലത്തു വിരിച്ചു.

അവർ അഞ്ചു പേരും അഞ്ചു വശങ്ങളിലേക്ക് അഭിമുഖമായി വൃത്താകൃതിയിൽ ഇരുന്നു കൈകളിലെ പ്രാർത്ഥനചക്രം തിരിക്കുവാൻ ആരംഭിച്ചു.

ഒന്നാം ബുദ്ധഭിക്ഷു ബാലൻ പ്രഥമാപരാജിതനായ മഞ്ജുശ്രീ ബോധിസത്വമന്ത്രം ജപിച്ചു.

“ഒം ആ രാ  പ ചാ നാ ധെ”

ആ ബാലകനൊപ്പം മറ്റുള്ളവരും അതെ മന്ത്രം പിന്തുടർന്നു.

ജ്ഞാനസ്വരൂപനായ മഞ്ജുശ്രീ മന്ത്രം

“ഒം ആ രാ  പ ചാ നാ ധെ”

അൽപ്പം കഴിഞ്ഞപ്പോൾ രണ്ടാമത്തെ ബാലകൻ  ദ്വിതീയാപരാജിതനായ വജ്രപാണി മന്ത്രജപം ആരംഭിച്ചു.

“ഓം വ ജ്ര പാ ണി ഹും”

കൂടെയുള്ളവരും ആ ബലസ്വരൂപനായ വജ്രപാണി മന്ത്രത്തെ അനുഗമിച്ചു.

“ഓം വ ജ്ര പാ ണി ഹും”

അൽപ്പം കഴിഞ്ഞപ്പോൾ മൂന്നാം ബാലകൻ തൃതീയാപരാജിതനായ അവലോകിതേശ്വരമന്ത്രം ജപം ആരംഭിച്ചു.

“ഓം മണി പദ്മെ ഹും”

മറ്റുള്ളവരും അനുകമ്പയോടെ മൂർത്തരൂപമായ അവലോകിതേശ്വര മന്ത്രം ഏറ്റു ജപിച്ചു.

“ഓം മണി പദ്മെ ഹും”

അൽപ്പം കഴിഞ്ഞപ്പോൾ