അപരാജിതൻ- 51 5203

അപരാജിതൻ 51

സൂര്യസേന൯ വിളിച്ചു പറഞ്ഞതിന്റെ പിന്നാലെ ഒരു മണിക്കൂർ കൊണ്ട് പഞ്ചായത്ത് അധികൃതർ എവിടെ നിന്നൊക്കെയോ ജങ്കാർ ഡ്രൈവറെ തപ്പിപ്പിടിച്ചു കൊണ്ട് വന്നു.

ജങ്കാറിൽ വാഹനങ്ങൾ കയറ്റി സൂര്യസേനനും കൂട്ടരും അക്കരെ കടന്നു. നേരം ഒരുപാട്  കടന്നുപോയതിൽ സൂര്യസേനനും ആകെ വെപ്രാളത്തിലായിരുന്നു.

ഇടക്ക് ദേവർമഠംകാരും കൊട്ടാരത്തിൽ നിന്നും മുത്തശ്ശിയും അച്ഛനും അടക്കമെല്ലാവരും സൂര്യസേനനെ വിളിച്ചു കൊണ്ടിരുന്നത് സൂര്യസേനനെ ഒരുപാട് സമ്മർദ്ദപെടുത്തിയിരുന്നു.

അക്കരെ എത്തി അതിവേഗമവർ വാഹനങ്ങളുമായി കമ്മോർവാഡയിലെ മാവീരന്റെ ബംഗ്ളാവിലേക്ക് കുതിച്ചു.

ഇന്ദുവിനെ സുരക്ഷിതമായി തിരികെ വീണ്ടെടുക്കാൻ ആകുമെന്ന് യാതൊരുവിധ വിശ്വാസവും സൂര്യസേനന് ഉണ്ടായിരുന്നില്ല ,

കടത്ത് കാത്തു നിന്നതിനാൽ വിലപ്പെട്ട സമയം നഷ്ടമായതിൽ സൂര്യസേനൻ ഏറെ ഖിന്നനായിരുന്നു.

@@@@

മാവീരന്റെ ബംഗ്ളാവ് എത്താൻ രണ്ടു കിലോമീറ്റർ അകലമുള്ളപ്പോൾ

ആകാശത്തേക്ക്  കട്ടിപുകയുയരുന്നത് സൂര്യസേനൻ കാണുകയുണ്ടായി.

വിജനമായ പ്രദേശമായതിനാൽ കറുത്തപുകയുടെ കാരണവും സൂര്യന് മനസ്സിലായില്ല.

ബംഗ്ലാവിനു അരക്കിലോമീറ്റർ അകലെയെത്തിയപ്പോൾ കണ്ട ദൃശ്യം കണ്ടു സൂര്യസേനൻ നടുങ്ങിപ്പോയി.

ആകാശത്തോളം ഉയരത്തിലെന്ന പോലെ ആ വലിയ മാളിക ആളികത്തുകയായിരുന്നു.

മാവീരന്റെ മാളികയിൽ ശക്തിയായി തീ പിടിച്ചിരിക്കുന്നു.

അതിവേഗം പായുന്ന വാഹനങ്ങൾ മാളികയുടെ പുറത്തുള്ള കവാടത്തിനു മുന്നിലായി നിരന്നു നിന്നു.

എല്ലാവരും അതിശയത്തോടെ പുറത്തേക്ക് ഇറങ്ങി.

ഭീമാകാരമായ ആ മാളിക ആളികത്തുന്നു.

കത്തലിൽ  ഉയരത്തിലുള്ള  മരഉരുപ്പടികൾ മറ്റും താഴേക്ക്മറിഞ്ഞു വീഴുന്നുമുണ്ട്

സൂര്യസേനൻ ഇന്ദുവിനെ ഓർത്ത് തലയിൽ കൈ വെച്ചു ആളി കത്തുന്ന മാളികയെ നോക്കി.

ഒരാൾ പോലും അണക്കാനില്ലാതെ തീ ആ മാളികയെ പൂർണമായും വിഴുങ്ങുകയായിരുന്നു.

“തമ്പുരാനേ ,,,നോക്കിയാട്ടെ ” ഒരുവൻ ഉറക്കെ വിളിച്ചു പറഞ്ഞു.