അപരാജിതൻ -38 5288

“ശോഭേ ,,, മോളെ ,,ഈ കൊച്ചിനെ എന്റെ കൊച്ചുമരുമകളായി കൊണ്ട്പോകാൻ എനിക്കിഷ്ടമാ ” അമ്മമ്മ ശോഭയോട് പറഞ്ഞു

“ശോഭേ ,,, പിള്ളേർക്ക് ഇഷ്ടമായ സ്ഥിതിക്ക് ,,, അനുവിനെ ഞങ്ങൾക്കൊക്കെ വലിയ ഇഷ്ടമാ ,,അവള് ഞങ്ങളുടെ വീട്ടിലേക്ക്  വന്നാൽ ,,അത് ഞങ്ങളുടെ ഭാഗ്യമല്ലേ ” വസുന്ധര അഭിപ്രായം  പറഞ്ഞു

ശോഭ കണ്ണുകൾ തുടച്ചു

“എനിക്കു ദൂരേക്ക് പറഞ്ഞയക്കാൻ ഇഷ്ടമുണ്ടായിട്ടല്ല ,,എന്നാലും ആ കുടുംബത്തിലേക്ക്  എന്റെ മോളെ അയക്കാനായുള്ള പ്രാപ്തിയൊ സ്വത്തോ ഒന്നും  എനിക്കില്ല ,, ”

“അതിനു ഞങ്ങൾ വല്ലതും ചോദിച്ചോ ,,, ശോഭേ ,, ഒന്നുമില്ലേലും നീയെന്റെ സഹോദരിയല്ലേ ,,അപ്പൊ എന്റെ അനന്തരവളെ എന്റെ ഈ മോനെ കൊണ്ടു കെട്ടിക്കുന്നു എന്ന് കരുതിയാൽ പോരെ ”

“ദാസേട്ടാ ,,പക്ഷെ മോളെ കണ്ടു പോയവരോടു ,,,എന്താ പറയാ ..”

“ഓ ,,അത് ഞാൻ വിളിച്ചു പറഞ്ഞോളാ ,,,,,അതെനിക്ക് വിട്ടേക്ക് ”

“ടാ ,,,,” ദേവദാസ് ഉറക്കെ മനുവിനെ വിളിച്ചു

“എന്താ പപ്പാ ,,,”

“ഈ പറഞ്ഞതൊക്കെ നീ മാറ്റി പറയോ , ഞങ്ങളെന്നാ ബാക്കി മുൻപോട്ടു തീരുമാനിച്ചോട്ടെ ”

“ഇല്ല പപ്പാ ,,,, ഗോഡ് പ്രോമിസ് ”

“അനു ,,മോളെ ,,,”

അനുപമ ദേവദാസിനെ നോക്കി

“മോൾക്ക് എന്റെയീ കുരുത്തം കെട്ട മോന്റെ നല്ലപാതിയാകാൻ സമ്മതമാണോ?”

അനുപമ നാണത്തോടെ തലയാട്ടി

“അമ്മെ ,,വസൂ ,,,മീനൂട്ടി ,,എന്താ നിങ്ങളുടെ അഭിപ്രായം , ഇവന്റെ തന്തയെന്ന നിലയ്ക്ക് ഞാൻ എന്ന വാക്കുറപ്പിക്കട്ടെ ”

അവർ മൂവരും സമ്മതിച്ചു

“മോളെ അനൂ ”

അവൾ മുഖമുയർത്തി

“നീ ആദ്യം എന്റെ ചെക്കനും പിന്നെ നിന്റെ നാത്തൂനും ചോറ് വിളമ്പി കൊടുക്ക് , പാവങ്ങൾ ഒന്നും കഴിച്ചിട്ടില്ല ,,ചെല്ല് ,,,ചെല്ല് ”

അനുപമ ഒരുപാട് സന്തോഷത്തോടെ എഴുന്നേറ്റു

“പിള്ളേര് പോയി എന്നാ ഊണ് കഴിച്ചേ ,,ഇനി ഞങ്ങൾ കാരണവ൯മാർ സംസാരിക്കട്ടെ ”

മനുവും മീനാക്ഷിയും എഴുന്നേറ്റു

അനുപമ ഡൈനിങ് ടേബിളിൽ ചെന്ന് പാത്രം വെച്ചു

അവരിരുവരും അവിടെ ചെന്നിരുന്നു

അനുപമ നാണത്തോടെ അവർക്ക് വിളമ്പി കൊടുത്തു

@@@@@@@