Wonder 4 [Nikila] 2478

“ഏട്ടാ, ഞാനെല്ലാം കേട്ടു. അപ്പൊ നമുക്കൊന്ന് നോക്കിയാലോ”

“എന്തു നോക്കണ കാര്യം ?”

“വേറെന്താ, നമ്മുടെ ജോസഫ് മോന് പെണ്ണ് നോക്കണ കാര്യം”

“എന്റെ പൊന്നു ശാരൂ, ഒന്നുങ്കിൽ നീ മുറ്റമടിക്ക്. അല്ലെങ്കിൽ ദാ, എന്റെ നെഞ്ചത്ത് അടിച്ചു കളരി പഠിക്ക്. ഇനി ഇതു രണ്ടും വേണ്ടാ എന്നാണെങ്കിൽ ഒന്നു പോയി തരാമോ. ഞാനീ പാചകമൊന്ന് ചെയ്‌തോട്ടെ?‍♂️”

അതു കേട്ടതും ശാരദ മുഖം വീർപ്പിച്ചു കടന്നു പോയി.

“വാചകമടിച്ച് നേരോം കളഞ്ഞു” ഫിലിപ്പ് സ്വയം പിറുപിറുത്തു.

………………………………………………………

“എടീ റീനേ, റീനെ…..”

“ഓഹ്…. ഇതിപ്പോ വല്ല്യേ ശല്യമായല്ലോ. എന്താടീ ജൂവലേ കാര്യം ?”

“അതേയ്, ജോ ഇന്ന് വരുമെന്ന് ഉറപ്പല്ലേ”

ജൂവൽ ഒന്ന് പരുങ്ങിക്കൊണ്ടാണ് അത് ചോദിച്ചത്. തന്റെ ജോലി തടസ്സപ്പെടുത്തിയതിന്റെ ദേഷ്യം റീനയുടെ മുഖത്തുണ്ട്.

“നിനക്കെന്താടീ പറ്റിയെ. ആള് ഇന്നു വരുമെന്ന് ഞാൻ പറഞ്ഞതല്ലേ. പിന്നെന്തിനാ പിന്നേം എന്നോട് അതു തന്നെ ചോദിക്കുന്നേ ?”

“അതല്ലെടീ, ഞാനിന്ന് രാവിലെ ജോയെ ഫോൺ ചെയ്തിരുന്നു. ഇനിയെന്നോട് സംസാരിച്ചില്ലെങ്കിൽ ആത്മഹത്യ ചെയ്യുമെന്ന് പറഞ്ഞ് ഒന്നു വിരട്ടി”

“എടീ നിനക്കെന്തിന്റെ കേടായിരുന്നു. അവൻ ഇന്നു വരുമെന്ന് പറഞ്ഞിട്ടും നീയിങ്ങനെ ചെയ്തല്ലോടീ?. അതൊക്കെ പോട്ടെ, നീ വിരട്ടിയിട്ട് അവൻ പേടിച്ചോ ?”