Wonder 4 [Nikila] 2478

“ആണത്തം. അതായത് എന്റെ ആത്മാഭിമാനം. അവര് എന്നെ എക്സാമ്പിളാക്കി ആൺ വർഗ്ഗത്തെ മുഴുവൻ കുറ്റം പറഞ്ഞു. അപ്പോൾ പറഞ്ഞ മറുപടിയാ”

 

“ഓ, അതായിരുന്നോ. ഞാൻ വിചാരിച്ചു….” ഫിലിപ്പ് അങ്കിൾ.

 

“എന്തു വിചാരിച്ചെന്ന്  🤨?” ഞാൻ.

 

“ഒന്നും വിചാരിച്ചില്ല😁”

 

“ഒന്നും വിചാരിച്ചില്ലേ ?”

 

“ഇല്ലെടാ”

 

“എന്നാ കൊള്ളാം. വിചാരങ്ങളൊക്കെ വിചാരങ്ങളായി തന്നെ ഉള്ളിൽ വച്ചിരുന്നാൽ മതി, അല്ലാതെ അതൊക്കെ വികാരങ്ങളായി പുറത്തു കാണിച്ചാൽ വിവരമറിയും”

 

ആ ഡയലോഗില് അങ്കിള് ഫ്ലാറ്റായി. അങ്കിളിനു ശരിക്കും ഉത്തരം മുട്ടി.

 

“ശരി, മോൻ മറുപടി പറഞ്ഞതൊക്കെ സമ്മതിക്കാം. എന്നു വച്ച് ഇതൊക്കെ റെക്കോർഡ് ചെയ്ത് നാട്ടുക്കാരെ കാണിക്കേണ്ട കാര്യമുണ്ടായിരുന്നോ ?” ശാരദാന്റി.

 

“അതിനു ഞാനല്ല ആന്റി ഇതൊക്കെ റെക്കോർഡ് ചെയ്തേ. മിഖിയാ ഇതിന്റെ ആള്. ഇവനിങ്ങനൊരു പണി ചെയ്യുമെന്ന് ഞാനും കരുതിയില്ല”

 

“നീയാണോടാ മിഖി, ഇതിന്റെ ആള് 🤨”

 

“അത് പിന്നെ, ആന്റി, ഒരു സേഫ്റ്റിക്ക് വേണ്ടി, എപ്പോഴാ നമ്മള് കുടുങ്ങാന്ന് അറിയില്ല. പെണ്ണല്ലേ അവര്. അവര് വാക്ക് മാറ്റി പറഞ്ഞാ നമ്മള് കുടുങ്ങും. മുൻപ് എനിക്കും ജോയ്ക്കും ഇങ്ങനൊരു അനുഭവം ഉണ്ടായിട്ടുണ്ട്”

 

“അതു തന്നെയാ ഞാനും പറയുന്നേ, പെണ്ണല്ലേ അവര്. ആ മര്യാദയെങ്കിലും അവർക്ക് കൊടുത്തൂടെ. ഇങ്ങനെ വീഡിയോ എടുത്തു അവരെ നാറ്റിക്കണായിരുന്നോ മോനെ”