Wonder 4 [Nikila] 2478

ഇത്രയും നാൾ സി ഐ നീരജ എന്നു പറഞ്ഞാൽ പുരുഷന്മാരുടെ പേടി സ്വപ്നമായിരുന്നു. അങ്ങനെയുള്ള അവരെ നാട്ടുകാർക്കിടയിൽ ഒരു പകല് കൊണ്ട് തന്നെ കോമഡിയാക്കി. പുരുഷ വിദ്വേഷിയായ അവർക്ക് തിരിച്ചടി കൊടുത്തതും ഒരു പുരുഷൻ തന്നെ. എല്ലാം കൂടിയോർത്തപ്പോൾ അവരുടെ കണ്ണിൽ കോപം കത്തിക്കേറി. തന്നോട് ചെയ്തതിനെല്ലാം അവരോട് പകരം വീട്ടണം. എന്നെങ്കിലും ഒരിക്കൽ അവരെയെന്റെ കയ്യിൽ കിട്ടും. സി ഐ നീരജ കോപത്തോടെ മേശയിൽ ആഞ്ഞടിച്ചു.

ഈ സമയം അവിടേക്ക് കോൺസ്റ്റബിൾ രാജൻ കേറി വന്നു.

“മേഡം”

“എന്താടോ ?”

“ഒരു കേസുണ്ട്, തുണിക്കടയിലുള്ള ട്രെയിൽ റൂമിൽ ഒളിക്യാമറ വച്ച് സ്ത്രീകളുടെ വീഡിയോ എടുക്കാൻ നോക്കിയ ഒരാളെ അറസ്റ്റ് ചെയ്തിട്ടുണ്ട്”

ഇതു കേട്ടതും സി ഐ നീരജയിൽ രക്തത്തിളപ്പുണ്ടായി.

“ഡോ, ഇതൊക്കെ ഉള്ളതാണോ ? അതോ ഇനി അതു വല്ല സിനിമാ ഷൂട്ടിംങിന് ക്യാമറ വച്ചതാണോ ?”

“മേഡം, ഇതു ശരിക്കും ഉള്ളതാ. തെളിവ് സഹിതം പിടിച്ചിട്ടുണ്ട്”

“എന്നാ വാടോ”

നീരജ റൂമിന് പുറത്തേക്ക് വന്ന് ആ പ്രതിയെ നോക്കി. പിന്നെ ചോദ്യമോ ഉത്തരമോ ഉണ്ടായിരുന്നില്ല. കൈ കൊണ്ടുള്ള പെരുമാറൽ മാത്രം. നടുവിന് കുനിച്ചു നിർത്തി അടിക്കുന്നതിനിടയിൽ കോപം കൊണ്ട് അലറുന്നുണ്ടായിരുന്നു.

“നീയിനി ക്യാമറ കൈ കൊണ്ട് തോടുമോടാ ? ഇനിയാരുടെയെങ്കിലും വീഡിയോ എടുക്കുമോടാ നായേ ?”

നീരജയുടെ അടിയും അയാളുടെ നിലവിളിയും കേട്ട് മറ്റുള്ളവർ തരിച്ചു പോയി. നേരത്തെ തന്റെ വീഡിയോ എടുത്തു ഫേസ്ബുക്കിലിട്ടവനെയും ഇതുപോലെ ഇടിക്കുമെന്ന സൂചന അവരുടേയാ പെരുമാറ്റത്തിലുണ്ടായിരുന്നു.

………………………………………………………