Wonder 4 [Nikila] 2478

അങ്ങനെ ഡ്രെസ്സും മാറി ഒരു കറുത്ത ബാഗും എടുത്ത് ഡൈനിങ്ങ് ഹാളിലേക്ക് പോയി. അവിടെയപ്പോൾ മിഖി കസേരയിലിരുന്ന് ഫോണില് എന്തോ കൗതുകത്തോടെ നോക്കുന്നു. മിക്കവാറും ടോം ആൻഡ് ജെറിയാവും കാണുന്നേ. എന്തായാലും ഞാനിവിടെയുള്ള കാര്യം അവനറിഞ്ഞിട്ടില്ല.

 

‘ടാ ഞാനൊന്ന് പുറത്തേക്കിറങ്ങുന്നുണ്ട്. നമ്മുടെ ഫ്രണ്ട് റോയിയെ ഒന്ന് കാണണം”

 

“ആ, ജോ പോവണോ ? ഒന്നും കഴിക്കുന്നില്ലേ ?”

 

അതു ചോദിക്കുമ്പോ അവന്റെ കണ്ണിലൊരു കുസൃതി ഞാൻ കണ്ടു. എന്തോ പന്തികേടുണ്ടല്ലോ 🤔.

 

“ഇല്ലെടാ, ഞാൻ പുറത്തുന്ന് കഴിക്കാം”

 

“ജസ്റ്റ്‌ മിസ്സ്‌”

 

“നീയെന്താ പിറുപിറുക്കുന്നേ”

 

“ഒന്നുല്ല, ജോ. ഞാൻ ആന്റിയെ വിളിക്കാം

 

ആന്റീ….”

 

അവനൊന്നു നീട്ടി വിളിച്ചു. അപ്പോ തന്നെ ശാരദാന്റിയും പുറകേ ഫിലിപ്പങ്കിളും വന്നു. രണ്ടു പേരുടെയും അപ്പോഴത്തെ കോലം ഞാനൊന്ന് ശ്രദ്ധിച്ചു.

 

“ഇതെന്തു കോലമാ ആന്റി, വല്ലാണ്ടങ്ങ് വിയർക്കുന്നുണ്ടല്ലോ. വീടിനകത്തു രണ്ടാളും ഓടി കളിക്കായിരുന്നോ ?”

 

“ഒന്നുല്ല മോനെ, ഞാനും ഏട്ടനും കൂടി ഡഗ്ഗിനെ പെടുക്കാൻ നോക്കിയതാ” ആന്റി കിതച്ചുക്കൊണ്ട് പറഞ്ഞു.

 

“എന്തോന്ന് ?”

 

“അല്ല, പിടിക്കാൻ നോക്കിയതാണെന്ന്. അതിനൊരു അനുസരണയുമില്ല മോനെ”

 

“ജീവിയാണെങ്കിലും അതിനും ജീവനിൽ കൊതി കാണില്ലേ” മിഖി

 

“എന്താ മിഖി, നീ പറഞ്ഞേ ?”