Wonder 4 [Nikila] 2478

“അതേയ്, എന്താന്നറിയില്ല. എന്റെ കവിളിലൊരു വീക്കം പോലെ”

 

ഞാനടിച്ച ഭാഗത്തു അവൻ കൈ തടവിക്കൊണ്ട് പറഞ്ഞു. സത്യം പറഞ്ഞാൽ എനിക്കല്പം പേടി തോന്നി. ഇവനെ അടിച്ചതിനി ഞാനാണെന്ന് അറിഞ്ഞാൽ…..😨.

 

“അത് പിന്നെ….. ഈച്ച കടിച്ചതാവും”

 

“ഇതു ഈച്ച കടിച്ചതല്ല, ആരോ അടിച്ചതാ. നല്ല വേദന”

 

ഇവൻ വിടാൻ ഉദ്ദേശമില്ലെന്ന് തോന്നുന്നു. ഇവിടെ നിൽക്കുന്നത് പന്തിയല്ലെന്നു കണ്ട ഞാൻ വേഗം സ്ഥലം വിടാൻ തീരുമാനിച്ചു. ഇവൻ കാരണം ചാവാനുള്ള മൂഡ്‌ പോയി. എനിക്ക് മരിക്കണമെന്നു ആഗ്രഹമുണ്ട്. എന്നുവച്ച് കണ്ടവന്റെ കൈ കൊണ്ടൊന്നും ചാവാൻ തീരെ താൽപ്പര്യമില്ലായിരുന്നു. അതുക്കൊണ്ട് ഞാൻ വേഗം തിരിഞ്ഞു നടന്നു.

 

“അതേയ്” പുറകിൽ നിന്നും അവനെന്നെ വിളിച്ചു. അതൊന്നും ശ്രദ്ധിക്കാതെ വേഗം നടന്നതും അവൻ ഓടിക്കേറി എന്റെ മുൻപിൽ വന്നു നിന്നു.

 

“ഞാൻ വിളിച്ചതു കേട്ടില്ലേ ബ്രോ”

 

“അതേയ്, എന്റെ പേര് ബ്രോ ന്നല്ലേ”

 

“ആണോ, അപ്പൊ ബ്രോയുടെ പേരെന്താ ?”

 

“ജോസഫ് 😴”

 

“ജോസഫ്. ആ പേരിനൊരു ഗുമ്മില്ല. ഞാനതു ചുരുക്കിയിട്ടൊന്ന് ജോ ന്ന് വിളിക്കട്ടെ”.

 

ജോ എന്ന ആ പേര് കേട്ടതും ഞാനൊരു വല്ലാത്ത അവസ്ഥയിലായി. എന്റെ മനസ്സിൽ പഴയ കാലങ്ങൾ ഓർമ്മ വന്നു. ഞാൻ പോലുമറിയാതെ എന്റെ കണ്ണു നിറഞ്ഞു. കാരണം ഒരുപാട് നാളായി ഞാനാ വിളി കേട്ടിട്ട്. എനിക്കു വേണ്ടപ്പെട്ടവർ എന്നെ വിളിച്ചിരുന്നത് ജോ യെന്നായിരുന്നു. ഇപ്പോൾ എന്നെ അങ്ങനെ വിളിക്കാൻ ആരും നിലവിലില്ല.

 

“ബ്രോ യെന്താ മിണ്ടാത്തേ, ഞാൻ ജോ ന്ന് വിളിക്കട്ടെ” അവൻ സംശയത്തോടെ ചോദിച്ചു.