Wonder 4 [Nikila] 2478

ഞാൻ മെല്ലെ അതിനടുത്തേക്ക് നീങ്ങി. എന്നിട്ട് ;

“കുട്ടാ 

ചക്കരയല്ലേ, എന്റെ പഞ്ചാര കുട്ടനല്ലേ, ആ ബുക്കൊന്ന് താടാ”

എവിടെ, അത് ബുക്കും കടിച്ചു പിടിക്കൊണ്ട് ഗർജ്ജിച്ചു നിൽക്കാണ്. സിംഹമാണെന്നാ അതിന്റെ വിചാരം. ഇതേൽക്കുമെന്ന് തോന്നുന്നില്ല. ഇനി അടവൊന്ന് മാറ്റാം

“ബുക്ക് താഴെയിടടാ,

നിന്നോടാ പറഞ്ഞേ ബുക്ക് താഴെയിടാൻ,

നിന്റെ അച്ഛൻ…. ഛെ ?…. ഞാനാടാ പറയണേ ബുക്ക്‌ താഴെയിടടാ”

“ബ…. ബ…. ബാ…..”

ഞാൻ മിഖിയെ നോക്കിയപ്പോൾ അവനെന്നെ മുഖം ചുളിച്ചു നോക്കി ?.

“ശരിക്കും ജോ യുടെ മൈൻഡിലെന്താ ?”

“ഒന്നൂല്ലാ, ഞാനൊന്ന് സെന്റിയിടാൻ നോക്കിയതാ. പക്ഷെ അതിനിടയ്ക്ക് കിരീടം സിനിമ കേറി വന്നു?”

“ഞഞ്ഞായി, ജോയൊന്ന് മാറിയേ”

മിഖി എന്നെ തള്ളി മാറ്റി ഡഗ്ഗിന്റെ അടുത്ത് ചെന്ന് ഇരു കയ്യും നീട്ടി “വാ കുട്ടാ” എന്നു വിളിച്ചതും അത് ബുക്ക്‌ താഴെയിട്ട് വാലാട്ടിക്കൊണ്ട് അവന്റെ കയ്യിലേക്ക് ചാടിക്കേറി. എന്നിട്ട് അവന്റെ മുഖത്തൊക്കെ നക്കാൻ തുടങ്ങി. ഛെ! വെറുതെ എന്റെ കുറച്ചു ഡയലോഗ് വേസ്റ്റായി. അല്ലെങ്കിലും ഡഗ്ഗിന് ഏറ്റവും ഇഷ്ടം മിഖിയോടാണ്, പിന്നെ എന്നോടും.

“ഇനി ഇങ്ങോട്ട് വാടാ മുത്തേ”