Wonder 4 [Nikila] 2478

“നീയിവിടെ വാചകമടിച്ച് നിൽക്കാണ്ട് പോയി വല്ലതും പഠിച്ചേ. ഇന്ന് സ്കൂളിൽ പോയില്ലാന്ന് വച്ച് ഉഴപ്പനാണോ വിചാരം. ടീച്ചർമ്മാർക്കൊക്കെ നിന്നെ പറ്റി പരാതി പറയാനേ നേരള്ളൂ. നീയും ജോസഫ് മോനും കണക്കാ. അവൻ നാട്ടില് കുഴപ്പങ്ങളുണ്ടാക്കും. നീ നാട്ടിലും സ്കൂളിലും കുഴപ്പങ്ങളുണ്ടാക്കും”

അതു കേട്ടപ്പോൾ മിഖി നീട്ടിയൊരു ഇളി കൊടുത്തു.

“അങ്കിളേ എനിക്ക് പഠിക്കാനൊരു മൂഡില്ല. ഞാൻ പോയി ഗിറ്റാറൊന്ന് പ്രാക്ടീസ് ചെയ്യട്ടെ”

“ഒരു സംശയം, നിനക്കെവിടുന്നാ ഈ ഗിറ്റാറ് ഭ്രാന്ത് കിട്ടിയേ ?”

“അത് ഒരു മിഖേൽ കാരണമാ”

“അതു നീയല്ലേ?”

“ഞാനല്ല. വേറൊരു മിഖേൽ. ഒരു അനിമേഷൻ സിനിമയിലെ ക്യാരക്ടറാ”

“ഏതു സിനിമയാടാ ?”

“പടത്തിന്റെ പേര് Coco. ഇറങ്ങിയ വർഷം 2017. എന്താ, ആ പടം കണ്ടിട്ടുണ്ടോ ?”

“അയ്യേ, ഞാനീ അനിമേഷൻ പടങ്ങളൊന്നും കാണാറില്ല”

“കാണരുത്, നല്ല പടങ്ങളൊന്നും തന്നെ കാണരുത്. മറ്റേ കല്യാണക്കഥകള് മാത്രം വായിച്ചിരുന്നാൽ മതീട്ടോ” മിഖി പുച്ഛത്തോടെ പറഞ്ഞു.

♫Remember me….

Though I have to say goodbye

Remember me….

Don’t let it make you cry

For ever if I’m far away

I hold you in my heart

I sing a secret song to you

Each night we are apart

Remember me….♫

ഈണത്തിൽ അങ്ങനെയൊരു മൂളിപ്പാട്ടും പാടിക്കൊണ്ട് മിഖി അടുക്കളയ്ക്ക് പുറത്തേക്കു കടന്നു. അപ്പോഴാണ് ഫിലിപ്പ് അടുക്കളയിലേക്ക് എത്തി നോക്കി നിൽക്കുന്ന തന്റെ ഭാര്യ ശാരദയെ കാണുന്നത്.