Wonder 4 [Nikila] 2478

“ഇതെന്തിനാ അങ്കിളിപ്പോ എന്നോട് ചോദിക്കുന്നേ ?, ഞാനെന്താ ഇവിടെ ഡിഗ്രിയും കഴിഞ്ഞു വെറുതെയിരിക്കാണോ ?”

“എടാ, ഈ നേരത്തെങ്കിലും തമാശ പറയുന്നത് നിർത്തെടാ. ഞാനുദ്ദേശിച്ചത് ജോസഫ് മോന്റെ കല്യാണക്കാര്യമാ. അവനും എന്തായാലും പെണ്ണ് കേട്ടണ്ടേ”

അതു കേട്ടതും മിഖി. പൊട്ടിചിരിക്കാൻ തുടങ്ങി. ചിരിയെന്നു പറഞ്ഞാൽ ചിരിയോട് ചിരി. ഫിലിപ്പിന് ചെറുതായി കലി കേറാൻ തുടങ്ങി.

“ഇതിലെന്താ ഇത്രയ്ക്ക് തമാശ ??”

“പിന്നല്ലാതെ. ജോ ഇതിനു സമ്മതിക്കുമെന്ന് തോന്നുന്നുണ്ടോ ?”

“നമ്മള് പറഞ്ഞാൽ അവൻ സമ്മതിക്കില്ലേ”

“പിന്നേയ്, ഇപ്പോ സമ്മതിച്ചു തരും. എന്റെ അങ്കിളേ, പണ്ട് ഇതുപോലെ ജോയുടെ സ്വന്തം അപ്പൻ നിർബന്ധിപ്പിച്ചു കെട്ടിക്കാൻ നോക്കിയപ്പോ ആ വീട്ടീന്ന് ഓടിപ്പോന്ന ആളാണ് ജോ. എന്നിട്ടാണ് ഇനി നമ്മള് പറഞ്ഞ് അനുസരിക്കാൻ പോണേ”

“മോനേ, അതിന് ജോസഫ് മോന്റെ അച്ഛൻ ഹിറ്റ്‌ലറെ പോലെയായിരുന്നില്ലേ. അതുപോലെയാണോ നമ്മള്. നമ്മള് പറഞ്ഞാൽ അവൻ അനുസരിക്കില്ലേ”

“അതൊന്നും നടക്കില്ല, അങ്കിളേ. ജോയുടെ സ്വന്തം ലൈഫിലെ ഇങ്ങനത്തെ കാര്യങ്ങളില് തീരുമാനമെടുക്കാനുള്ള റൈറ്റ്സ് മറ്റുള്ളവർക്ക് ജോ വിട്ടു കൊടുക്കുമെന്ന് അങ്കിളിനു തോന്നുന്നുണ്ടോ”

“ഇല്ലാല്ലേ??”

“ഇല്ല”

അതു കേട്ടതും ഫിലിപ്പിന്റെ മുഖം നിരാശയിലായി. പക്ഷെ അൽപ്പ സമയത്തിനകം അയാളുടെ മുഖം തെളിഞ്ഞു.

“മോനേ, എന്നാൽ എന്റേല് വേറൊരു ഐഡിയയുണ്ട്”

“എന്ത് ഐഡിയ ??”

“ജോസഫ് മോന് ഒന്ന് ആലോചിക്കാൻ പോലും സമയം കൊടുക്കാതെ ആ കല്യാണമങ്ങ് നടത്തിയാലോ ?”