Wonder 4 [Nikila] 2478

അതു കേട്ടതും ഒരു നിമിഷം ജെയ്സൺ തരിച്ചു പോയി.

“അപ്പൊ….അപ്പൻ….. പ…. പറഞ്ഞു വരുന്നത് അവന് ആക്‌സിഡന്റിനു മുൻപുള്ളതെല്ലാം ഓർമ്മ വന്നെന്നാണോ ?”

“സാധ്യതയുണ്ട്. അങ്ങനെയാണെങ്കിൽ അവൻ എളുപ്പത്തിലൊന്നും നമുക്ക് വഴങ്ങില്ല. ഉറപ്പായും അവൻ പഴയതു പോലെ നമ്മുടെ വരുതിക്ക് നിൽക്കില്ല. അതുക്കൊണ്ട് അവന്റെയടുത്തേക്ക് പോവുമ്പോൾ സൂക്ഷിക്കണം”

അപ്പൻ പറഞ്ഞത് ശരിയാണെന്നു ജെയ്സണിന്നും തോന്നി. അവൻ അപ്പന്റെ തീരുമാനം ശരി വച്ചു.

ഈ സമയം തോംസൺ അവിടേക്ക് കടന്നു വന്നു. അയാളുടെ മുഖത്തും പരവശമുണ്ടായിരുന്നു.

“എടാ ജേക്കബേ, നീയറിഞ്ഞോ ? നിന്റെ മകന്റെ ഒരു വീഡിയോ വന്നിട്ടുണ്ട്”

“ഞാൻ കണ്ടെടാ”

“ഇനിയെന്തിനാ കാത്തിരിക്കുന്നേ നമുക്കവനെ കൂട്ടിക്കൊണ്ട് വരാടാ”

“ടാ നിൽക്ക്, എടുത്തുചാട്ടം വേണ്ട”

തുടർന്ന് ജേക്കബ് അയാളുടെ ഊഹങ്ങൾ തോസണെ പറഞ്ഞു ബോധിപ്പിച്ചു. അതോടെ തോംസണും അയാളുടെ തീരുമാനത്തെ ശരി വച്ചു.

“എടാ, എനിക്കൊരു കാര്യം പറയാനുണ്ട്” തോംസൺ.

“എന്താടാ ?”

“എന്തായാലും ജോസഫിനെ കണ്ടുപ്പിടിച്ചല്ലോ. എന്നാപ്പിന്നെ നമുക്ക് ആ പഴയ കാര്യം ഒന്നുകൂടി ആലോചിച്ചാലോ”

“എന്ത് കാര്യം ?”

“വേറെന്ത് കാര്യം എന്റെ മോള് ട്രീസയും അവനും തമ്മിലുള്ള കല്യാണക്കാര്യം”

“ആദ്യം അവനെയൊന്ന് ഇവിടെ വരുത്തട്ടെടാ. കഴിഞ്ഞ തവണ അവൻ നമ്മുടെയടുത്തു നിന്ന് രക്ഷപ്പെടാൻ കാരണം ഈ കല്യാണമാ”