Wonder 4 [Nikila] 2478

“ഇല്ലാ ആന്റി, ഞാൻ വരാൻ വൈകും” ഞാൻ.

“അപ്പൊ ശരി മോനേ, എന്നെയിനി കക്കൂസില് നോക്കിയാ മതി” ഫിലിപ്പ് അങ്കിൾ ?.

“അങ്കിളേ, ആന്റിയെ സൂക്ഷിക്കണേ” ഞാൻ.

“തിരിച്ചു വരുമ്പോ ജീവനുണ്ടെങ്കിൽ കാണാം” മിഖി.

എനിക്ക് ചിരി വന്നപ്പോൾ ഞാൻ വീടിനു പുറത്തേക്കിറങ്ങി കാറെടുത്ത് യാത്രയായി. എല്ലാവരും ഇന്ന് നല്ല ഫോമിലാണല്ലോന്ന് ഞാനാലോചിച്ചു.

………………………………………………………

ഈ സമയം പോലീസ് സ്റ്റേഷനിൽ

സി ഐ നീരജ ഓഫീസ് റൂമിലിരുന്ന് പല്ലും നഖവും കടിച്ചുക്കൊണ്ടിരിക്കുകയാണ്. ഐ ജി യുടെ മുൻപിൽ വച്ചു തന്നെ ആ വികലാംഗനെ തല്ലി ചതക്കാൻ തോന്നിയ പൊട്ടബുദ്ധിയെ അവര് സ്വയം ശപിച്ചു. സസ്‌പെൻഷൻ ഓർഡർ വന്നെങ്കിലും ഔദ്യോഗികമായി രണ്ടു മണിക്കൂർ കൂടി ഡ്യൂട്ടിയിലിരിക്കാൻ അവർക്ക് അനുവാദം കിട്ടിയിട്ടുണ്ട്.

ഈ സമയം മറ്റുള്ളവരും ആകെ അസ്വസ്ഥരാണ്. എല്ലാവർക്കും ഇനി മൂന്നു ദിവസത്തേക്ക് ശമ്പളമില്ല. ആ രണ്ടു പേരെയും സ്റ്റേഷനിൽ വിളിച്ചു കയറ്റാൻ തോന്നിയ നിമിഷത്തെയോർത്ത് എസ് ഐ സജീവ് സ്വയം പഴിച്ചു. മറ്റുള്ളവരുടെ അവസ്ഥയും ഇതുപോലെ തന്നെ. എന്നാൽ ഹെഡ് കോൺസ്റ്റബിൾ മാധവന് മാത്രം ഇതൊന്നും പ്രശ്നമായി തോന്നിയില്ല. അല്ലെങ്കിലും ഒറ്റത്തടിയായി ജീവിക്കുന്നവർക്ക് എന്തോന്ന് പ്രാരാബ്ദം. പോലീസ് കസ്റ്റഡിയിലായിരിക്കുന്ന ആ ബസ്സിലെ യാത്രക്കാർ തലയിൽ കയ്യും വച്ചിരിപ്പുണ്ട്. തിരിച്ചു പോവാൻ അനുവാദം കിട്ടിയിട്ടും അതിനു ശ്രമിക്കാതെ സ്ത്രീയെ ശല്യം ചെയ്ത ആ മഹാനെ ശിക്ഷിക്കുന്നത് കാണാൻ വേണ്ടി കാത്തു നിന്നതായിരുന്നു. ഇപ്പോൾ അങ്ങനെ നിന്നവരെല്ലാം കസ്റ്റഡിയിൽ?. ആ ഗർഭിണിക്ക് വരെ തോന്നി എനിക്ക് എന്തിന്റെ കേടായിരുന്നെന്ന്. ഇനി വീട്ടീന്ന് ആരും വരാതെ ആ സ്ത്രീക്ക് സ്റ്റേഷൻ വിട്ടു പോവാൻ പറ്റില്ല.

ഈ സമയം കോൺസ്റ്റബിൾ രാജൻ രാത്രി കുടിച്ച ചായയുടെ ക്ഷീണം കാരണം ;

“എനിക്കിട്ട് പണി തന്ന ആ ചെക്കനെ ഇനിയും എന്റെ കയ്യില് കിട്ടും. അന്ന് ഞാനവനെക്കൊണ്ട് കുടിച്ച മുലപ്പാല് ശർദിപ്പിക്കും”

“ഡോ, തനിക്ക് കിട്ടിയതൊന്നും പോരേ. ഇനിയും അവരെ എന്തെങ്കിലും ചെയ്യാൻ നോക്കിയാൽ അടുത്ത തവണ തന്റെ മലം മാത്രമല്ല, രക്തം വരെ അവര് ഊറ്റിയെടുക്കും” റോസി.