Wonder 4 [Nikila] 2478

“എങ്ങനെണ്ട് ജോ ?” മിഖി.

ഞാനവനെ ചൂഴ്ന്ന് നോക്കി.

“ജോയെന്താ എന്നെയിങ്ങനെ നോക്കുന്നേ ??”

“നീയല്ലേ ഈ വീഡിയോ എഫ്ബിയില് ലൈവ് വിട്ടത്  ?”

“ഞാനോ ?, ജോയെന്താ ഈ പറയണേ ?”

അവൻ നിന്നു പരുങ്ങി.

“ടാ കളിക്കല്ലേ, ഈ വീഡിയോയില് എന്റെയും പോലീസുക്കാരുടെയും അടക്കം ആ സ്റ്റേഷനിലുണ്ടായിരുന്ന എല്ലാവരും മുഖം കാണിക്കുന്നുണ്ട്. പക്ഷെ നീ മാത്രം ഈ വീഡിയോയില് ഇല്ലാ. അതിന്റെ അർത്ഥം ഇത് ഷൂട്ട് ചെയ്തത് നീയാണെന്നാ”

“കണ്ടു പിടിച്ചല്ലേ ?”

“ആ പിടിച്ചു, എന്തിനാടാ നീയീ പണി ചെയ്തേ ?”

“അതു പിന്നെ ജോയ്ക്കറിയാഞ്ഞിട്ടാ, ജോ ഈ ഡയലോഗടിച്ചത് വനിതാ പോലീസിനോടാ. പിന്നെപ്പോഴെങ്കിലും ആ പോലീസുകാരി ജോയ്‌ക്കെതിരെ കേസു കൊടുക്കാൻ വഴിയുണ്ട്. ജോ അവരെ അസഭ്യം പറഞ്ഞെന്ന് കാണിച്ചിട്ട്. ഇതാവുമ്പോ പിന്നെ എല്ലാവരും സത്യമറിയൂല്ലോ?”

“നല്ല ബെസ്റ്റ് ഐഡിയ, നിന്റെ വക്ര ബുദ്ധി കാരണം അവര് നാട് മൊത്തം നാറി. ഇനിയത് കാണാത്തവരായി ആരെങ്കിലും ബാക്കിയുണ്ടോടാ”

അതിനുത്തരമായി മിഖി എന്നോട് പുറകിലോട്ട് നോക്കാൻ കണ്ണുക്കൊണ്ട് ആംഗ്യം കാണിച്ചു. നോക്കിയപ്പോൾ അവിടെ ദേ ഫിലിപ്പ് അങ്കിളും ശാരദാന്റിയും കഥകളി കാണാൻ പോയവരേപ്പോലെ നിൽക്കുന്നു. അവർക്ക് എന്താ സംഭവിച്ചേന്ന് ഇതുവരെ മനസിലായിട്ടില്ല.

“എന്താടാ നിങ്ങളീ സംസാരിക്കുന്നേ ? ഒന്നും മനസിലായില്ല” ഫിലിപ്പ് അങ്കിൾ.

“അതന്നെ, നിങ്ങള് ഏതു പോലീസുകാരിയുടെ കാര്യമാ പറയുന്നേ ?” ശാരദാന്റി.

“മിഖി, നീയിവർക്കു കൂടി കാണിച്ചു കൊടുക്ക്. ഇനി ഇവരായിട്ട് കാണണ്ടിരിക്കണ്ട” ഞാൻ.

“അങ്കിളാദ്യം ഈ വീഡിയോ ഒന്ന് കണ്ടേ” മിഖി.