Wonder 4 [Nikila] 2478

“മോനെ കുട്ടാ, ഇങ്ങോട്ടു വാടാ”

ഡഗ്ഗ് മോങ്ങിക്കൊണ്ട് പിന്നാക്കം നീങ്ങി.

“ചക്കരയല്ലേ ഇതൊന്ന് കഴിച്ചിട്ട് പോടാ”

ഡഗ്ഗ് അപ്പോൾ തന്നെ ഓടാനുള്ള തയ്യറെടുപ്പ് നടത്തി.

“ഡഗ്ഗ്, ഓടിക്കോ” മിഖി തന്നെ അവന്റെ ഓട്ടത്തിന് ഫ്ലാഗ് ഓഫ് പറഞ്ഞു.

അതു കേട്ടതും ഡഗ്ഗ് പുറത്തേക്ക് ഒരോട്ടം വച്ചു കൊടുത്തു. പിന്നാലെ തന്നെ പാത്രവുമായി ശാരദയും ഓടി. ഇതെല്ലാം കണ്ട് ക്ഷമ നശിച്ച ഫിലിപ്പ് ശാരദയുടെ പുറകെയോടി. മിഖിയാണെങ്കിൽ നിന്നയിടത്തു നിന്നും അനങ്ങാതെ അടുക്കള സ്ലാബില് കയ്യും കുത്തി നിന്ന് ഇതെല്ലാം നോക്കി ചിരിക്കുന്നു.

“ഞാനും ജോയും ഇപ്പോഴും കുട്ടിക്കളിയുമായി നടക്കാണെന്ന് പറഞ്ഞ് കളിയാക്കുന്ന ടീംസാണ്. എന്നിട്ടിവര് കാണിക്കുന്നത് കണ്ടില്ലേ ?‍♂️. ഇനിയിപ്പോ ടിവിയില് ടോം ആൻഡ് ജെറി കാണണ്ട. ഇവിടെ തന്നെ ലൈവ് ഷോയുണ്ട് ?”

ആ സമയം മിഖിയുടെ ഫോണിൽ നിന്നും പല നോട്ടിഫിക്കേഷൻ ശബ്ദങ്ങൾ വന്നു. ഫോണെടുത്തു നോട്ടിഫിക്കേഷനുകൾ വായിച്ച മിഖിയിൽ ഒരു പുഞ്ചിരി വന്നു.

“അപ്പോൾ പണിയേറ്റു”

………………………………………………………

അങ്ങനെ റൂമിലേക്ക് കയറിയ ഞാൻ ഇന്നത്തെ പ്രഭാതപരിപാടികളെല്ലാം ഭംഗിയായി ചെയ്തു. അതായത് പല്ലുതേപ്പും കുളിയും. ദേഹത്തൊന്ന് വെള്ളം വീണപ്പോഴേ നല്ലൊരു ഉന്മേഷം. ഇന്നലെ രാത്രി എന്തൊക്കെയാ നടന്നേ?. ഇനി ലില്ലിയാന്റിയുടെ കടിച്ചു കീറുന്ന സ്വഭാവത്തീന്ന് വല്ല മാറ്റവുമുണ്ടാകുമോ. എന്തായാലും റിസൾട്ട് ഇന്നറിയാം. പോലീസ് സ്റ്റേഷനിൽ കേറേണ്ടി വരുമെന്ന് ഒരിക്കലും വിചാരിച്ചതല്ല. എന്നാലും അവിടെ കാര്യമായ കുഴപ്പങ്ങള് ഞങ്ങള് ഉണ്ടാക്കിയില്ലെന്ന് വിചാരിക്കാം. ആകെക്കൂടി ഒരു പോലീസുക്കാരന് വയറിളക്കമുണ്ടാക്കി കൊടുത്തു. അതു സാരമില്ല, ഇനി അയാൾക്ക് എനിമ ഒന്നും ചെയ്യേണ്ടല്ലോ ?. ആ വയ്യാവേലി ജൂവലിന്റെ ഫോൺ കോള് കാരണമാ സി ഐ യോടെ കയർക്കേണ്ടി വന്നേ. ഒരു കണക്കിന് അതും നന്നായി. ഇല്ലെങ്കിൽ തലേ ദിവസം മുഴുവൻ നെറ്റില് നോക്കി പഠിച്ച ആ പ്രസംഗം വേസ്റ്റായേനെ. അവര് ഒരു ഫെമിനിച്ചിയാണെന്ന് മാധവൻ സാറ് പറഞ്ഞപ്പോൾ ഒന്ന് ഒരുങ്ങിയിരുന്നതാ. അതു വെറുതെയായില്ല.