അനാമിക 6 [Jeevan] [CLIMAX] 407

“നീ എന്തിനാ അനാമികയോട് ഇത് എല്ലാർക്കും അയക്കാൻ പറഞ്ഞത്… ”

” അത്… അത് കണ്ടാൽ കോളേജിലെ ഒരു പെണ്ണും ഇവനോട് അടുക്കില്ലല്ലോ എന്ന് കരുതി… ”

” ഈ ഫോട്ടോ നിനക്ക് എങ്ങനെ കിട്ടി…”.

” ശ്രീ കുളിക്കാൻ പോയപ്പോൾ അവളുടെ ഫോണിൽ നിന്നും എടുത്തതാ… ”

” അത് ഈ രണ്ടു ഫോട്ടോ അല്ലെ… ഈ ഫോട്ടോ എങ്ങനെ കിട്ടി… ” അവൻ ശ്രീ കെട്ടിപ്പിടിച്ചു ഉമ്മ വക്കുന്ന ഫോട്ടോ കാണിച്ചു ചോദിച്ചു.

” അത്… അത് അന്ന് എൻട്രൻസ് കഴിഞ്ഞ ദിവസം… ഇവന്റെ ഹോസ്റ്റലിലേക്ക് തിരിയുന്ന വഴിയിൽ ആണ് ഞാൻ പേയിങ് ഗസ്റ്റ് ആയി താമസിച്ചത്…,  ജഗൻ വരുന്ന ടൈം ആകുമ്പോൾ ഞാൻ എന്നും ബാൽക്കണി പോയി നിൽക്കും… അന്ന് ശ്രീ ആ റോഡിൽ വച്ചു അവനെ കെട്ടിപ്പിടിച്ചു… അപ്പോൾ എടുത്തതാ… ”

എനിക്ക് അത് കേട്ട് തല കറങ്ങുന്ന പോലെ തോന്നി.

” പാവം ശ്രീ… ഒന്നും അറിഞ്ഞിട്ടില്ല…. എന്നിട്ട് ആണ് ഞാൻ അവളെ തല്ലിയത്… ”

നിന്ന നില്പിൽ ഭൂമിയിൽ താഴ്ന്നു പോകാൻ ഞാൻ ആഗ്രഹിച്ചു പോയി.

” ശരി… ഇത്രയും നാളും ഈ ഫോട്ടോ കൈയിൽ ഉണ്ടായിട്ട് നീ എന്താ ആർക്കും കൊടുക്കാതെ ഇപ്പോൾ ഈ പണി കാണിച്ചത്… ”

“അത് ഓണം പ്രോഗ്രാം.. അന്ന് ജഗനും അനാമികയും വഴക് ഇടുന്നത് ഞാൻ കേട്ടു… ശ്രീയെ കാണാൻ അവൻ സുന്ദരി ആണെന്ന് പറഞ്ഞത് ഒക്കെ പറഞ്ഞ വഴക് ഇട്ടത്… അപ്പോൾ ശ്രീയും ആയുള്ള ഫോട്ടോ കൊടുത്താൽ അവർ തെറ്റി പിരിയും എന്ന് തോന്നി… ”

” നീ ശ്രീയെ പറ്റി ആലോചിച്ചോ… ഇങ്ങനെ ഒരു ഫോട്ടോ വന്നാൽ പിന്നെ ഇവന് അവളെ സ്വീകരിക്കേണ്ട വരില്ലേ… മാത്രം അല്ല ഇവൻ സ്വീകരിച്ചില്ല എങ്കിൽ വേറെ ഏതേലും ആണ് ഇതറിഞ്ഞാൽ അവളെ ഇഷ്ടപ്പെടുമോ… ”